أفضل بودكاسات Angels (2024)

1
Sportso-mate：EP.139｜運動員戀事實況｜嘉賓：女子競技體操運動員陳卓琳 Charlie 23:55

1d ago23:55

23:55

愛情要經營、要磨合就係人都知，咁一般情侶同體壇情侶要面對嘅問題會唔會有唔同？香港女子競技體操運動員陳卓琳（Charlie）同另一半都係運動員，一星期訓練六日，要點抽時間同對方見面溝通呢？見到面又會做啲咩維繫感情？好多人都覺得，伴侶要畀到足夠嘅「情緒價值」自己，愛情路先會順利一啲。以 Charlie 為例，接連錯過運動大賽，男朋友喺側邊做咗啲乜令佢振作？今集《Sportsomate》，歡迎大家戴返副 🕶️ 聽吓運動員拍拖嘅苦與樂。放心，甜蜜嘢比較多嘅！💕 主持：椰青嘉賓：女子競技體操運動員陳卓琳 Charlie Sportunes 網站 | www.sportsoho.com/sportunes Instagram | www.instagram.com/sportunes_by_spo…

1
又係我牛英：EP.139｜衝刺手的自白｜嘉賓：前香港單車代表梁嘉儒 20:00

4d ago20:00

20:00

前香港單車代表梁嘉儒喺今年4月宣布退役，結束10年全職運動員生涯，以前喺港隊擔任衝刺手嘅角色，喺港隊畢業後嘉儒仍然喺唔同方面為自己衝刺。3歲學識踩單車，12歲加入港隊青訓，中學畢業後就踏上全職單車運動員之路，當人人都以為嘉儒同單車已經連成一體，嘉儒竟然選擇喺杭州亞運場地單車男子全能賽奪得銀牌後急流勇退，其中原因係咩？而家擔任單車同平衡車教練嘅佢，又點睇小朋友從小學習呢樣運動？主持：牛英嘉賓：前香港單車代表梁嘉儒 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Spo…

1
Sportso-mate：EP.138｜咬文嚼字｜嘉賓：香港場地單車代表程嬿珊（波波） 23:59

9d ago23:59

23:59

智能世代，已經好少人鍾意睇字，真係要睇，可能都只係侷限於社交平台上面嗰段唔超過100字嘅短文。香港場地單車代表程嬿珊（波波），就偏偏鍾意用文字表達自己。除咗單車，波波亦鍾意睇書、影相、拍片，仲鍾意用「千字文」將佢嘅「內在小孩」介紹畀大家。細個同屋企人去旅行，波波會設計遊記《暑假多FUN》；大啲會有本紀錄同隊友相處點滴嘅「小氣簿」，最近佢仲幫《Sportsoho》雜誌負責咗一個叫《一波一轆》嘅專欄。文字豐富咗波波嘅日常生活，亦係一個途徑畀自己同身邊嘅人認識呢位為單車運動努力中嘅運動員。有人話，文字嘅魅力在於想像、訴說同思考，喺波波嘅文字上面，我哋又聽到啲咩故事？主持：椰青嘉賓：香港場地單車代表程嬿珊（波波） Sportunes 網站 | www.sportsoho.com/sportu…

1
又係我牛英：EP.138｜苦心志勞筋骨｜嘉賓：運動企業家胡栢賢 Trevor 24:27

1M ago24:27

24:27

古語有云：「天將降大任於是人也，必先苦其心志，勞其筋骨，餓其體膚，空乏其身，行拂亂其所為。」胡栢賢（Trevor）對呢句說話應該百感交集。Trevor 係香港健美體操運動員，同時係健身體操中心 FLAIR 嘅創辦人，用運動企業家嚟形容佢亦不為過。Trevor 18歲先開始佢嘅健美體操生涯，訓練期間除咗留意到自己喺運動上嘅表現同限制，佢亦睇到運動員裝備喺市場上嘅不足，於是佢由開發同生產健美體操鞋開始，再到運動培訓，逐步擴展佢嘅企業版圖，希望喺各方面幫到同樣想精進自己嘅運動人。喺呢段時間，Trevor 遇到大大小小、諗過同冇諗過嘅問題，想知運動員嘅身份點幫到佢發展事業；佢嘅事業又點樣幫到熱愛運動嘅人？留意今集《又係我牛英》。主持：牛英嘉賓：運動企業家胡栢賢 Trevor Sportunes…

1
Sportso-mate：EP.137｜我 Hea 故我在｜嘉賓：Wakesurf 運動員吳曉盈 Angel 22:03

2M ago22:03

22:03

喺「躺平」呢個詞語興起之前，我哋成日都會聽到 Hea 呢個字。Hea 畀人感覺係隨便、懶散同唔上心，但無繩滑水（Wakesurf）運動員吳曉盈（Angel）就認為，Hea 係放鬆同放慢嘅意思，佢自己亦係一個會 Hea 嘅運動員。咁人哋有冇覺得佢唔認真？Angel：「有成績咪唔會囉！」Hea 係 Angel 嘅減壓之道，但一眾「誇誇群」朋友都係佢成功擺脫壓力嘅幕後功臣，呢班朋友平時究竟有幾「誇」呢？想 Hea 又唔敢 Hea，或者一直 Hea 底上唔返水嘅你，係時候要聽吓今集 Angel 嘅分享喇！主持：椰青嘉賓：Wakesurf 運動員吳曉盈 Angel Sportunes 網站 | www.sportsoho.com/sportunes Instagram | www.instagr…

1
又係我牛英：EP.137｜魔鬼其外天使其中｜嘉賓：運動狂熱分子老闆娘 Iris @ Liffee Coffee & Treats 20:46

2M ago20:46

20:46

有冇試過買廢水嗰陣要求「少甜」或者「走甜」，飲完仲要後悔？又有冇試過增肌減脂期，連甜品 Menu 都唔敢睇？甜品一向被冠上「邪惡」之形容詞，運動狂熱分子 Iris 決定要幫佢哋平反，仲因為咁開咗間 Cafe，希望所有想身體健康嘅運動及非運動人都有個位，搵到自己想要嘅嘢，食晏、嘆甜品、飲咖啡都唔使就住就住。本身極度熱愛運動嘅老闆娘 Iris，無端端點解會推廣起「減糖」，繼而全身投入餐飲業？Cafe 營業時間唔算長，原來係因為老闆娘同員工放工要做運動！今集《又係我牛英》有 Liffee 老闆娘親自分享佢嘅健康生活同飲食之道 😋 主持：牛英嘉賓：運動狂熱分子老闆娘 Iris @Liffee.HK Sportunes 網站 | www.sportsoho.com/sportunes Instag…

1
Sportso-mate：EP.136｜洋蔥式聊天｜嘉賓：運動心理學家盧綽蘅 Karen 25:34

2M ago25:34

25:34

「除咗運動員呢個身份，要記得你仲係一個人。」運動心理學家盧綽蘅（Karen）如是說。唔少運動員會搵心理學家傾偈同輔導，今集 Karen 就同大家分享咗少少運動員經常遇到嘅問題同困擾。Karen 話，同運動員傾偈，就好似搣洋蔥咁，要一層一層細心地了解同跟進，表面睇到嘅煩惱未必就係最影響運動員嘅問題。以比賽壓力為例，運動員有壓力未必係因為佢睇重輸贏，原來有機會係擔心自己同教練嘅關係會變差？通常星期五同星期日就係 Karen 最忙嘅時候，又係因為咩原因呢？今集《Sportsomate》，一齊學吓點樣支持同聆聽我哋嘅運動員朋友！主持：椰青嘉賓：運動心理學家盧綽蘅 Karen Sportunes 網站 | www.sportsoho.com/sportunes Instagram | www.i…

1
又係我牛英：EP.136｜笑住跑跑住笑｜嘉賓：吳嘉諾 Kanok @Big Big Track Club 22:01

2M ago22:01

22:01

跑步教練吳嘉諾（Kanok），細個曾經因為哮喘而被禁止參加體育活動，但呢啲阻撓並冇動搖過 Kanok 想運動嘅心。喺中學初嚐跑步攞第一嘅滋味，Kanok 又再行多步，接受正規長跑訓練，如是者一步一步跑到做教練，仲創立埋 Big Big Track Club 跑團，點著埋其他人團火。跑步唔係想像中咁簡單，但要迷上跑步就好容易，好似 Kanok 喺節目中多次提到：要開心，開心最緊要。半馬跑出 PB，全馬竟然抽筋失利，Kanok 依然主張「笑住返終點」。比賽條路可能只得幾十公里，但跑步條路其實好長，點樣可以令自己一直跑落去？聽吓今集 Kanok 嘅分享啦！主持：牛英嘉賓：吳嘉諾 Kanok @Big Big Track Club Sportunes 網站 | www.sportsoho.com…

1
Sportso-mate：EP.135｜上帝視角｜嘉賓：香港女子重劍代表連翊希 Coco 24:22

2M ago24:22

24:22

「上天為你關了一扇門，就會為你開一扇窗」今屆巴黎奧運見唔到香港女子重劍代表連翊希（Coco）上陣，但奧運劍擊同佢嘅連繫可能比上屆東京奧運更強，因為今年係 Coco 首次以劍擊評述員身份出現喺各家各戶嘅電視入面。第一次踏入尤如戰場嘅錄影廠，分秒必爭、計劃趕不上變化嘅直播時間，令 Coco 大開眼界之餘，亦令佢有機會用上帝視角去睇劍擊運動嘅種種，重新思考自己同劍擊甚至奧運嘅關係。一邊評述隊友嘅比賽，一邊擔心佢哋嘅發揮，究竟係一個點樣嘅體驗？喺奧運場上比賽嘅緊張，同坐上評述台前嘅緊張有咩唔同？主持：椰青嘉賓：香港女子重劍代表連翊希 Coco Sportunes 網站 | www.sportsoho.com/sportunes Instagram | www.instagram.com/spo…

1
又係我牛英：EP.135｜健美由健康開始｜嘉賓：香港健美代表翟佩君 Cadee 21:36

2M ago21:36

21:36

香港健美代表翟佩君（Cadee），早前代表香港出戰第56屆亞洲健美錦標賽，除咗贏得健體小姐組別亞軍，亦為港隊攞到女子一件式泳裝組別嘅冠軍，但原來佢嘅健美歷程只有兩年！短短兩年，佢係點樣由健身教練一路行到上健美舞台？健美由健康開始，但健美又唔等於健康？Cadee 熱愛運動，成為教練同運動員之後，仲考埋國家級營養師資格，食嘢同運動雙管齊下，唔怪得能夠「美」夢成真。Cadee 對自己非常嚴格，但對學生就盡量貼地，今集《又係我牛英》，Cadee 就教咗幾招入門貼士，唔鍾意做運動嘅朋友都啱用，輕輕鬆鬆行出第一步！主持：牛英嘉賓：香港健美代表翟佩君 Cadee Sportunes 網站 | www.sportsoho.com/sportunes Instagram | www.instagram.…

1
Sportso-mate：EP.134｜Hello! Run 小姐｜嘉賓：田徑教練簡杏芳 Elco 26:22

2M ago26:22

26:22

好多女仔聽到要做運動都好多擔憂，怕流汗又怕曬，一陣又驚畀蚊咬⋯⋯明明知道踏出第一步，就可以同「運動」連結，但嗰一步偏偏就好似隔咗個海咁。有人陪會唔會好啲呢？梗係會啦，你見中學去個廁所都要同朋友同行就知啦。Miss Run 體能班嘅主教練簡杏芳（Elco）深明呢個道理，所以同拍檔組織咗呢個畀大家 Run 返起自己身體嘅全女生體能班，跑都係其次，郁先係重點！大家圍埋一齊瞓地下，抬腿傳波再寫字，笑住玩，啲時間眨吓眼就過。你全件衫濕晒，我啲汗一滴滴沿住額頭流落下巴，但一啲都唔尷尬，運動女生 Get！主持：椰青嘉賓：田徑教練簡杏芳 Elco Sportunes 網站 | www.sportsoho.com/sportunes Instagram | www.instagram.com/sport…

1
又係我牛英：EP.134｜比賽講策略｜嘉賓：香港三鐵代表黃子圖 23:17

2M ago23:17

23:17

做運動，除咗講體格，食腦都好重要。因為奏效嘅策略係可以令你喺比賽中從後趕上，逆轉結果。香港三項鐵人代表黃子圖，就係一位講策略嘅選手。對子圖嚟講，「努力」係運動員嘅基本配置，要突破同場對手，調極心態同策略就係分高低嘅關鍵。游水、踩單車同跑步，拆開每一樣都需要極大體能，更何況係三樣一齊玩？所以比賽中嘅細節尤為重要，連「與抽筋共存」都要練！今集《又係我牛英》，子圖會同大家分享訓練同比賽嘅心得，原來如今成績突出嘅佢，以前係唔鍾意三鐵？失約巴黎奧運嘅子圖，嚟緊嘅洛杉磯奧運會唔會就係佢嘅囊中之物？喺奧運之前，我哋仲可以喺邊度見到呢位鐵人嘅星火呢✨？主持：牛英嘉賓：香港三鐵代表黃子圖 Sportunes 網站 | www.sportsoho.com/sportunes Instagram | www…

1
Sportso-mate：EP.133｜堅持與放棄之間｜嘉賓：山賽好手黃亦皜 Parco 17:54

3M ago17:54

17:54

堅持 Vs. 放棄，對大部分運動人嚟講都係殘酷二選一；但對由單車運動員轉換為跑手嘅黃亦皜（Parco）嚟講，兩者嘅本質其實都係一樣 —— 選擇。兩年前嘅一場交通意外，為 Parco 帶嚟一條有間尺咁長嘅大疤痕，亦為佢帶嚟一次重新開始嘅機會。旁人睇，佢好似被逼「放棄」咗啲嘢，但當下嘅人生，係咪淨係得「堅持」兩個字？我哋成日將「放棄」睇到好負面，有冇諗過佢其實係一個時機，畀你發掘更多值得「堅持」嘅路向？掙扎緊嘅你，You're not alone！因為今集《Sportsomate》嘉賓黃亦皜 Parco 一樣掙扎過！主持：椰青嘉賓：山賽好手黃亦皜 Parco Sportunes 網站 | www.sportsoho.com/sportunes Instagram | www.instagr…

1
又係我牛英：EP.133｜求勝意識｜嘉賓：青年單車運動員羅智賢 Samuel 20:10

3M ago20:10

20:10

唔知幾時開始，「好勝」成為咗負面評價，令好多運動員唔敢公開表示自己想贏，香港青年單車代表羅智賢（Samuel）係例外。自細接受三項鐵人訓練，Samuel 都企過唔少次頒獎台，但隨住年紀漸長，Samuel 開始發現自己未及身邊嘅對手。因為想贏，Samuel 毅然決定轉換跑道，專注踩單車，16歲嘅佢形容呢個係一個「新開始」。因為有求勝嘅意識，大至比賽心態；小至單車上嘅硬件配置，Samuel 都選擇搏盡，亦因為咁，佢終於喺今年全國青少年 U 系列公路自行車錦標賽踏上團體冠軍嘅台階。Samuel 話今次常州之行非常難忘，想知 40 度天氣下嘅佢經歷過啲咩？起飛前又點解會著起咗反光衣行落停機坪？立即收聽今集《又係我牛英》！主持：牛英嘉賓：青年單車運動員羅智賢 Samuel Sportunes …

1
Sportso-mate：EP.132｜足門女將｜嘉賓：港隊守門員周錦儀 Kelly 24:29

3M ago24:29

24:29

有人話龍門係球隊入面最孤獨嘅角色，但女子足球港隊守門員、和富社企嘅隊長周錦儀（Kelly）就認為，只要係球隊一員，任何時候都係分享緊同等嘅喜悅。既係足球員，又係教練，仲係球隊物理治療助理，人生幾乎同足球分唔開，不過 Kelly 仍然未滿意，依然向緊「100%足球人生」呢個方向進發。細個曾經被反對踢波，連參加足球訓練班都唔敢同屋企人講嘅 Kelly，今日見到父母入場睇比賽有咩感覺？面對舉手話要做守門員嘅女學生，Kelly 又係點樣應對？喺 Kelly 心目中，有啲咩特質先能夠成為一位出色嘅龍門呢？主持：椰青嘉賓：港隊守門員周錦儀 Kelly Sportunes 網站 | www.sportsoho.com/sportunes Instagram | www.instagram.com/s…

1
又係我牛英：EP.132｜港產奧運球證｜嘉賓：FIBA 三人籃球裁判主管何明達 Edmond 25:36

3M ago25:36

25:36

全城為奧運場上健兒高興，其實仲有啲港產工作人員值得大家驕傲，三人籃球國際裁判何明達（Edmond）就係其一。繼上屆喺東京奧運吹判三人籃球決賽，今屆巴黎奧運都有 Edmond 嘅踪影，呢一次亦係佢喺掛哨前嘅 "Last Dance"。少啲出現喺場上，唔代表佢就此放棄醉心嘅三人籃球，因為 Edmond 已經加入咗國際籃球總會（FIBA）擔任三人籃球裁判主管一職，用另一個方法發展同推廣佢熱愛嘅運動。由屋邨街場、學界賽事吹哨吹到上奧運籃球場，呢條路係點行出嚟？Edmond 又覺得喺呢幾個場合做球證，有啲咩唔同？主持：牛英嘉賓：FIBA 三人籃球裁判主管何明達 Edmond Sportunes 網站 | www.sportsoho.com/sportunes Instagram | www.i…

1
Sportso-mate：EP.131｜成人的熱血｜嘉賓：運動 Slasher 陳慧賢 Vera 22:45

3M ago22:45

22:45

熱血對你嚟講，係咩意思？對運動 Slasher 陳慧賢（Vera）嚟講，熱血並唔係「明知不可為而為知」，而係相信人生嘅可能有千百種，每樣都要試盡同畀盡。曾經入選跆拳道港隊嘅 Vera，最後並冇繼續留喺跆拳道發展，但為咗成為一位動作女演員，佢重返道館，花心機花錢花時間就係為咗練好一個540旋踢，縱然最後嘅拍攝並冇用到呢一招。成日話做咗大人，熱血就會燃燒殆盡，有冇諗過如果啲血真係夠熱，無論你係大人定細路、無論你轉換咗幾多條跑道，都會去到你最終嘅目標？主持：椰青嘉賓：運動 Slasher 陳慧賢 Vera Sportunes 網站 | www.sportsoho.com/sportunes Instagram | www.instagram.com/sportunes_by_sportsoh…

1
又係我牛英：EP.131｜刁 with 奧運｜嘉賓：香港100米奧運代表刁俊稀 Felix 21:49

3M ago21:49

21:49

因為姓氏而被香港人留意，係因為刁俊稀（Felix）喺比賽前嘅一個動作：當時佢指住自己嘅號碼布，話畀鏡頭前嘅大家知，佢就係代表香港出戰巴黎奧運100米賽事嘅跑手。5月喺香港錦標賽中跑出10秒33刷新個人最佳時間，Felix 都唔敢肯定自己能夠出戰奧運，直至奧運開幕前嘅一個月，Felix 先知道自己嘅夢想成真。田徑場上坐滿觀眾，對 Felix 嚟講已經足夠夢幻，喺紫色嘅跑道上預備嗰陣，佢諗緊啲乜？Felix 坦言起跑前有手震，但就唔係因為緊張，咁係咩原因？今集《又係我牛英》，我哋同呢位百米飛人一齊感受奧運零距離！主持：牛英嘉賓：香港100米奧運代表刁俊稀 Felix Sportunes 網站 | www.sportsoho.com/sportunes Instagram | www.ins…

1
Sportso-mate：EP.130｜要動手先動口｜嘉賓：極限飛盤港隊成員劉浩晴 Stephanie 22:01

3M ago22:01

22:01

比賽前要傾偈，唔只同隊友傾，仲要同對手傾？有別於一般團體運動，極限飛盤係一項非接觸式、自我裁判嘅運動，所以參與賽事嘅運動員，需要非常熟悉比賽規則之餘，仲要事前就清楚對手嘅底線，否則比賽就唔能夠順利進行。唔可以身體接觸，又要搶到對方手持嘅飛盤，港隊成員劉浩晴（Stephanie）形容，呢啲就係極限飛盤好玩嘅地方！喺外國讀書嗰陣已經接觸呢樣運動嘅佢，因為「太好玩」嘅關係，返到香港就自薦參與中國香港飛盤總會舉辦嘅比賽同訓練，嚟緊10月仲會幫手搞個以香港為主場嘅香港泛亞極限飛盤賽。喺有限嘅資源下，佢會點安排一個好玩得嚟又競爭性十足嘅國際賽事？主持：椰青嘉賓：極限飛盤港隊成員劉浩晴 Stephanie Sportunes 網站 | www.sportsoho.com/sportunes Inst…

1
又係我牛英：EP.130｜Sub-3 邊緣｜嘉賓：健身教練許少宇 Davis 24:17

3M ago24:17

24:17

細個因為身型而被老師邀請推鉛球，點估到健身教練許少宇（Davis）最後情歸跑步？Sub-3 一直係 Davis 嘅目標，雖然暫時都仲係同呢個目標擦身而過，但 Davis 堅信有一日佢會做到。喺達成目標之前，每個喺跑步上得到嘅覺悟，都會係 Sub-3 嘅一部分。呢啲覺悟可能係來自跑步中嘅靜思；可能係來自「互相逼害」嘅跑友；亦可能來自一樣喺 Sub 3 邊緣掙扎緊嘅大家。如果睇緊呢個 Post 嘅你，跑到有少少失去方向，不妨聽吓今集《又係我牛英》，可能你會喺 Davis 口中搵到啲繼續跑落去嘅理由！主持：牛英嘉賓：健身教練許少宇 Davis Sportunes 網站 | www.sportsoho.com/sportunes Instagram | www.instagram.com/sp…

1
Sportso-mate：EP.129｜跑一圈許個願｜嘉賓：樂壇跑手盧巧音 Candy 22:54

4M ago22:54

22:54

「當你真心渴望某樣嘢，成個宇宙都會聯合起嚟幫助你完成。」呢句說話曾經鼓勵過無數咁多位運動人，亦令我哋思考究竟「相信」嘅力量有幾大。活躍運動圈嘅本地歌手盧巧音（Candy）就話，相信自己做到，比起想自己做到來得容易。同 Candy 一樣熱愛跑步嘅你，可能都曾經為自己訂立過好多唔同嘅目標，想PB、想攞牌、想有好成績等等，但真係未必次次都如你所願，咁係咪即係你信錯咗自己？試過撞牆，又試過受傷，Candy 話佢都冇懷疑過自己，唔通佢訂目標嘅步驟同其他人唔同？跑步、游水、打拳以外，Candy 近來仲做埋 Stick Mobility 助教，呢段時間，佢向宇宙下咗啲咩訂單？今集《Sportsomate》，椰青同你一齊跟 Candy 學許願，做個更好嘅自己！主持：椰青嘉賓：樂壇跑手盧巧音 Candy…

1
又係我牛英：EP.129｜視己如敵｜嘉賓：單車新星馬正匡 Nicholas 22:28

4M ago22:28

22:28

200米，10.76秒。場地單車運動員馬正匡（Nicholas ），近年喺本地及國內外單車賽嶄露頭角，早前就喺2024全國青少年U系列場地自行車錦標賽攞到一銀一銅嘅佳績，其中嘅個人計時賽，只係用咗10.76秒就完成200米，同金牌得主嘅成績僅僅相差0.1秒。平時喺香港練習，絕大部分都係有冷氣嘅室內練習場，今次去到蘇州一嚐烈日下嘅室外場，Nicholas 笑言「以為自己就嚟死」。同場比賽嘅人個個都身材魁梧， Nicholas 落場嘅時候諗緊咩？上到頒獎台嗰刻，對手見到 Nicholas 又有咩感受？單車畀到 Nicholas 一份自由自在嘅感覺，但訓練嘅每分每秒都唔係容易，今集《又係我牛英》有 Nicholas 同大家分享當中嘅苦樂點滴。主持：牛英嘉賓：單車新星馬正匡 Nicholas …

1
Sportso-mate：EP.128｜知恥近乎勇｜嘉賓：長跑好手楊鎧駿大Dee 21:30

4M ago21:30

21:30

"Trust Yourself!" 張家朗喺奧運金牌戰打到 12:14 嘅時候，教練喺場邊對住佢大嗌。相信自己，係每個人都要學習嘅課題，尤其係運動員。今集《Sportsomate》嘉賓，楊鎧駿（大Dee）都學習緊。外表靚靚仔仔，跑得又睇得嘅大Dee，原來一直都冇乜自信。曾經創出佳績入選香港田徑代表隊，又試過跑樓梯跑到全球總排名第5，但喺佢心入面仍然覺得自己做得唔好。運動員喺鞭策自己同相信自己兩方面，要搵到一個平衡點真係好難！當初讀緊書嘅大Dee，同而家已經涉獵咗唔同領域嘅大Dee，喺訂立運動目標嘅時候會唔會有唔同呢？主持：椰青嘉賓：長跑好手楊鎧駿大Dee Sportunes 網站 | www.sportsoho.com/sportunes Instagram | www.insta…

1
又係我牛英：EP.128｜極限渡海泳｜嘉賓：首位成功橫渡北海峽港人梁俊曦 Ryan 24:57

4M ago24:57

24:57

北海峽（North Channel）位於北愛爾蘭同蘇格蘭之間，被譽為「世界七大海峽挑戰」中難度最高，有人更加將北海峽形容為海上嘅珠穆朗瑪峰，港人梁俊曦（Ryan）偏偏就要向極限挑戰，仲成功成為第一位完成呢項創舉嘅香港泳者。用14個鐘頭橫渡水溫只有攝氏11度嘅大海，喺長達40公里嘅旅程中遇過高過人嘅水母；經歷好幾次水流改變，游一米退兩米；熱水裝置失靈；出現幻覺⋯⋯ Ryan 游緊水嗰陣究竟諗緊啲咩？中途係點補給？想挑戰嘅人，事前又要做啲咩預備？主持：牛英嘉賓：首位成功橫渡北海峽港人梁俊曦 Ryan Sportunes 網站 | www.sportsoho.com/sportunes Instagram | www.instagram.com/sportunes_by_sportsoho …

1
Sportso-mate：EP.127｜以極難為樂｜嘉賓：鋼管先生 Shawn Tung 22:20

4M ago22:20

22:20

有別於艷麗又帶挑逗性嘅舞步，具有健身教練身份嘅鋼管舞者 Shawn Tung 選擇「著最簡單嘅衫，練最辣嘅招」。基本招式多練就會掌握，但要擁有呢一身功夫，Shawn 仲做咗啲咩？跳鋼管舞竟然有如武俠小說中嘅幫派修練，形容自己係「劍走偏鋒」嘅 Shawn 話鋼管舞同丐幫尤其相似，究竟係深造嘅內容似，定講緊香港嘅鋼管舞文化吖嗱？鋼管舞界嘅男舞者依然係少數，但如果佢哋鑽研嘅係比較適合男性身體構造、或者男舞者更有優勢嘅舞步，咁佢哋會唔會變返多數呢？主持：椰青嘉賓：鋼管先生 Shawn Tung Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebo…

1
又係我牛英：EP.127｜越級挑戰｜嘉賓：新生代女飛人徐穎恩 Jane 20:27

4M ago20:27

20:27

去年接連打破女子400米U20及U18香港學界紀錄，17歲混血小飛人徐穎恩（Jane）從未言倦，隨後更加喺亞洲少年U18田徑錦標賽再下一城，於烏茲別克什干嘅賽場上，將個人400米紀錄推前至55秒68，一舉摘銅。冇屋企人陪住出國，Jane 話今次烏茲別克之旅非常興奮，賽後仲同嚟自世界各地嘅跑步好手交換咗聯絡方法𠻹！呢位跑步女將目前隨咗喺學校訓練，亦有分別參與體院同飛達田徑會嘅訓練，一星期跑咁多日，Jane 嘅時間係點分配？嚟緊就要考 DSE ，佢又有咩打算呢？主持：牛英嘉賓：新生代女飛人徐穎恩 Jane Sportunes 網站 | www.sportsoho.com/sportunes Instagram | www.instagram.com/sportunes_by_sports…

1
Sportso-mate：EP.126｜如果我不曾遇過海｜嘉賓：潛水教練 Jying 23:07

4M ago23:07

23:07

台灣係近年港人潛水熱點，Jying 就連個 Padi 水肺潛水教練牌都係喺台灣考返嚟。當初暈住船浪入到綠島，一留就留咗兩三年，每日嘅生活就係同學生潛入清澈見底嘅大海睇魚睇珊瑚，又或者近距離觀察趴喺礁石休息緊嘅海龜，再經佢哋雙眼進入另一個更寧靜嘅世界。周遭嘅人，尤其係喺香港生活緊嘅朋友，見到 Jying 嘅綠島日常，一般都係既羨慕又妒忌。「我都好羨慕我自己。」Jying 笑言。不過人在異鄉，日子當然係一半苦澀一半甜，今集《Sportsomate》，不如就聽吓，喺陽光、海水同古銅色皮膚嘅後面，Jying 仲要獨自面對啲咩課題？主持：椰青嘉賓：潛水教練 Jying Sportunes 網站 | www.sportsoho.com/sportunes Instagram | www.instag…

1
又係我牛英：EP.126｜跟到就當贏｜嘉賓：單車運動員李偉樂 19:55

4M ago19:55

19:55

嚟自 DarkArt 車隊嘅單車運動員李偉樂（樂哥）踩車資歷唔算太深，2019年到而家只有大槪5年經驗，不過喺圈內已經有唔少人聽過佢個名，因為大家經常會喺蒲崗村道單車賽嘅頒獎台上見到佢。會將 "All In" 掛喺嘴邊嘅樂哥最近仲自費同港隊一齊去咗哈薩克比賽，五日四夜嘅行程，似乎每一刻都有嘢落袋：「一生人一定要最少去一次！」預備比賽嘅過程唔容易，淨係要保持到喺香港比賽嘅成績已經夠樂哥來回地獄好幾次，係點樣嘅信念支撐樂哥用9分39秒就踩到上飛鵝山？進步神速嘅背後樂哥做咗啲咩呢？今集《又係我牛英》，一齊跟呢位單車運動員偷下師。主持：牛英嘉賓：單車運動員李偉樂 Sportunes 網站 | www.sportsoho.com/sportunes Instagram | www.instag…

1
Sportso-mate：EP.125｜環球健身地圖｜嘉賓：CrossFit 機師江天賜 Samuel 19:06

4M ago19:06

19:06

機組服務人員一直都係唔少自由靈魂夢寐以求嘅工作，環遊世界自由自在吖嘛！因為做運動而決心成為機師嘅江天賜（Samuel）又點諗呢？當大家都以為佢去到外地實會把握時間觀光搵好嘢食，Samuel 就話搵個靚嘅健身室一樣咁開心。飛過咁多個國家，邊個地方嘅健身風氣最好？返工有時日夜顛倒，飛一轉紅眼機，抵步已經係凌晨時間，佢又係點平衡自己嘅作息同運動生活？曾經係一位會到世界各地比賽嘅 B-boy, Samuel 近年就選擇花更多時間係 CrossFit 上面，原因原來好簡單！今集《Sportsomate》，歡迎上機，同香港機師 Samuel 一齊健身遊世界。主持：椰青嘉賓：CrossFit 機師江天賜 Samuel Sportunes 網站 | www.sportsoho.com/sportune…

1
又係我牛英：EP.125｜跑步機上｜嘉賓：「記得拎褸」真身劉峻崚 21:49

5M ago21:49

21:49

YouTube 頻道 Ling Lau，主理人劉峻崚（Ling）其實係一位三鐵教練，細個沉迷單車，近年就醉心跑步。不時喺頻道分享跑步心得嘅 Ling，喺啱啱過去嘅「飛越啟德 100km 跑步機慈善挑戰賽」，就同一班後生仔女組成咗 Generation Z 跑隊參賽，成績仲非常唔錯㖭！Ling 話佢哋嘅比賽策略喺開跑前仲變緊，目標清晰、當機立斷果然好重要呀下 😏 成功達標固然要分享，撞牆經驗都要討論吓先會進步，今集《又係我牛英》同 Ling 一齊回顧過往大大小小嘅比賽，調整吓嚟緊嘅練跑計劃先 😎 聽完 Podcast 最緊要係咩？記得拎褸！主持：牛英嘉賓：「記得拎褸」真身劉峻崚 Sportunes 網站 | www.sportsoho.com/sportunes Instagram | …

1
Sportso-mate：EP.124｜其實唔難｜嘉賓：香港街頭健身總會主席莫皓然 M2 24:52

5M ago24:52

24:52

10年嘅時間，由當初為「型」而玩街頭健身，到成為港隊代表做埋教練，再到自己搞街頭健身比賽，仲整咗個「室內公園」出嚟畀同好，莫皓然（M2）竟然話其實唔難？講笑咩！不過關關難過關關過，回想起自己嘅努力同付出，多謝自己有堅持到底，又真係會想同自己講返句其實唔難嘅。做咗教練咁耐，主張上堂係最冇用嘅 M2 見盡人生百態，最容易令佢動怒嘅，係咩類型嘅學生？佢仲好激動咁話：「畀一百萬我都唔會再教！」街頭健身明明出自街頭，點解 M2 又要搞個室內公園出嚟呢？主持：椰青嘉賓：香港街頭健身總會主席莫皓然 M2 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Fac…

1
又係我牛英：EP.124｜0.08秒賢者之爭｜嘉賓：中長跑運動員方賢明 Sean Fontaine 22:50

5M ago22:50

22:50

全港運動會田徑賽事喺5月尾順利完賽，其中800米賽事備受矚目，因為同屬必達跑會嘅兩位跑手喺冠軍同亞軍之間鬥得難分難解之餘，仲雙雙破咗塵封25年嘅香港紀錄。Sean Fontaine（方賢明）雖然最後以0.08秒之差屈居亞軍，仍然以1分52.16嘅成績喺香港田徑史冊劃下重要一頁。平時喺運動場上面見到方賢明，你可能會以為佢唔識廣東話，但 Sean 就話：「講跑步同講運動，應該冇問題！」今集《又係我牛英》，有呢位年輕跑手鉅細無遺地分享比賽當日嘅心路歷程，仲會講吓自己嘅訓練日常（用廣東話喎！）。主持：牛英嘉賓：中長跑運動員方賢明 Sean Fontaine Sportunes 網站 | www.sportsoho.com/sportunes Instagram | www.instagram…

1
Sportso-mate：EP.123｜音樂格鬥技｜嘉賓：色士風演奏家程家慧 Chemie 21:16

5M ago21:16

21:16

喺爵士樂中甚為重要嘅色士風，閒閒地都 7 磅，上低音色士風更加可以重達 15 磅，每次演奏猶如一課重訓，手臂少隻老鼠仔都搞唔掂！為咗令自己可以繼續有心有力喺最愛嘅音樂路上前行，色士風演奏家程家慧（Chemie）會喺百忙之中抽時間健身同打泰拳，近年仲涉足埋比賽㖭！點解吹奏樂器嘅樂手唔係以游水練肺活量，而係要搽油練笑容企上健美舞台？被教練稱為「音樂格鬥家」嘅 Chemie，喺運動之中攞到啲咩人生靈感呢？手同嘴都係 Chemie 賴以維生嘅工具，預備泰拳比賽嘅時候有冇啲咩要特別注意？今集《Sportsomate》，有 Chemie 暫時放低支色士風，攞起拳套同你開心分享佢喺獨奏演出前嘅第二最愛。主持：椰青嘉賓：色士風演奏家程家慧 Chemie Sportunes 網站 | www.spor…

1
又係我牛英：EP.123｜250磅四度大逆襲｜嘉賓：健身教練吳小燕 Katri 21:02

5M ago21:02

21:02

即將喺年尾參加健美比賽比堅尼小姐項目嘅吳小燕（Katri），而家係合資格嘅健身教練，好難想像佢曾經係一位體重高達250磅嘅「肥妹仔」。用「肥妹仔」形容，係因為 Katri 喺小學六年級已經第一次經歷二字頭嘅體重。市面上標榜過可以減肥嘅方法，Katri 基本上都試過晒，但係點解都試過四度復胖到200磅？撞過咁多次板，Katri 話真係均衡飲食同恆常運動最有效，但仲有一樣嘢要特別注意，係關於咩㗎呢？今集《又係我牛英》，Katri 表示非常有信心唔會再度暴肥，各位想行減肥「捷徑」嘅朋友，聽完今集應該可以行少好多冤枉路。主持：牛英嘉賓：健身教練吳小燕 Katri Sportunes 網站 | www.sportsoho.com/sportunes Instagram | www.instagr…

1
Sportso-mate：EP.122｜三分鐘朋友｜嘉賓：一代搖擺葉雅澄 Claris 24:06

5M ago24:06

24:06

喺同一個舞池，你可以透過交換拍檔而得到一段3分鐘嘅友誼，呢個係事實，你改變唔到。嚟自 Swing Pocket 一代搖擺嘅葉雅澄（Claris）形容，搖擺舞係一個空間，將唔同年代、唔同背景、唔同性格嘅人聚合埋一齊。喺輕快嘅爵士樂下，互不認識嘅大家可以放低日間嘅面具，盡情以身體及各種舞步同對方一來一回地溝通，全盤接受對方同自己，I 仔 E 仔都一樣適合。Claris 同其他搖擺舞者仲不時會到唔同城市交流，從中亦發掘到各地嘅搖擺舞文化，而香港舞者，竟然係出名「磨爛蓆」？想知搖擺舞嘅由來，同埋點解手腳唔協調嘅人都會愛上呢個舞種？留意今集《Sportsomate》！主持：椰青嘉賓：一代搖擺葉雅澄 Claris Sportunes 網站 | www.sportsoho.com/sportunes…

1
又係我牛英：EP.122｜香港泰拳口述歴史｜嘉賓：紅擂台主辦人方恒基 20:05

5M ago20:05

20:05

喜歡泰拳嘅朋友，對方野師傅應該唔會陌生。今集《又係我牛英》，請嚟香港泰拳先驅方野師傅嘅仔方恒基先生，同我哋上一堂口述泰拳歷史。方恒基先生同樣熱愛泰拳，自細已經聽爸爸分享泰拳喺香港嘅發展史。喺爸爸口中，方恒基聽過好多武術泰斗嘅名字，除咗亮相武術電影，原來當年一班師傅仲有上《歡樂今宵》？方野師傅同曾經雄霸拳壇嘅「旋風腿」亞披勒嘅淵緣又係由邊度開始㗎呢？七、八十年代為人津津樂道嘅「紅擂台」賽事，如今由方恒基成為主辦人，佢想帶到啲咩畀拳迷？主持：牛英嘉賓：紅擂台主辦人方恒基 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.…

1
Sportso-mate：EP.121｜老靈魂體驗｜嘉賓：銀髮族健身教練陳樂謙 24:40

5M ago24:40

24:40

年紀漸長，身體機能衰退係大自然定律。唔好話長者自己接受唔到，身邊嘅屋企人見到佢哋每日只可以坐喺屋企對住四面牆，甚至終日卧床，一樣唔好受。陳樂謙（阿謙）從事健身教練好幾年，主力訓練銀髮族學生，佢話老人家學員肯行出第一步，其實可以有非常唔同嘅中老年生活。透過簡單易明嘅訓練，學生能夠做到生活自理，去旅行、行山完全冇問題，跌親仲識笑，作為教練嘅阿謙有啲咩體會？跨代矛盾成日都聽到，阿謙同學生溝通嗰陣又遇過啲咩難處同趣事？今集《Sportsomate》，我哋同銀髮族健身教練陳樂謙一齊成為老靈魂，浸沉式體驗長者生活百態。主持：椰青嘉賓：銀髮族健身教練陳樂謙 Sportunes 網站 | www.sportsoho.com/sportunes Instagram | www.instagram.com…

1
又係我牛英：EP.121｜苦中尋樂無難度｜嘉賓：U21個人形世界第一鄧宇軒 22:04

5M ago22:04

22:04

香港空手道運動員鄧宇軒，曾經奪得亞青賽金牌，更加喺 2023 年年底正式登上 U21 個人型世界排名第一。3 歲已經跟隨爸爸學習空手道，鄧宇軒喺習武路上已經走過將近二十年，但今時今日講起空手道嘅故事，依然剛勁十足，熱情依然。「訓練係好辛苦，但運動員一定可以搵到其中開心嘅地方。」成長路上可能放棄咗唔少個人玩樂時間，鄧宇軒就表示換返嚟嘅係無比珍貴嘅童年回憶。爸爸同時係教練，鄧宇軒幾歲人仔就已經著起道袍，浸沉喺呢項講求氣勢同個人演繹嘅運動裡面。今集《又係我牛英》，有鄧宇軒分享佢嘅天倫之樂以及比賽心得：打套拳嘅時候，佢嘅假想敵究竟係邊個？主持：牛英嘉賓：U21個人形世界第一鄧宇軒 Sportunes 網站 | www.sportsoho.com/sportunes Instagram | ww…

1
Sportso-mate：EP.120｜一條龍一條心｜嘉賓：戴浩文 Herman @香港中文大學龍舟會 24:48

6M ago24:48

24:48

一年容易又端午，但要以年為單位累積對扒龍舟嘅熱愛，就一啲都唔容易。戴浩文（Herman）係香港中文大學龍舟會前隊長兼總務，見證住中大龍由冇得參加比賽，到近年愈玩愈有火，上年度喺大專龍舟錦標賽嘅成績更加係歷年之冠。Herman 喺中大龍接近四年，操龍操到身體壯咗兩個碼不在話下，連領導同團體合作嘅技巧都大躍進。「我哋係最強，因為我哋有你哋呢班隊友。」致力傳承中大龍精神嘅 Herman 形容，中大龍係一個家，嗰份歸屬感係因為大家對某啲嘢有一致嘅價值觀同目標先會出現。主持：椰青嘉賓：戴浩文 Herman @香港中文大學龍舟會 Sportunes 網站 | www.sportsoho.com/sportunes Instagram | www.instagram.com/sportunes_by_…

1
又係我牛英：EP.120｜既剛且柔收放自如｜嘉賓：前香港空手道代表李剛慧 21:06

6M ago21:06

21:06

空手道，其中嘅技同術固然重要，但「道」都係不可忽略嘅一環。前香港空手道代表李剛慧，中學開始學習剛柔流空手道，對於當中嘅既剛且柔、收放自如，有自己一套理解。無論係運動上，定係生活上，其中嘅「道」都一直影響住剛慧，空手道同佢個人嘅成長之路密不可分。因為空手道，剛慧試咗好多新嘅嘢，其中包括參與電視劇《打天下2》嘅拍攝。劇中嘅李天愛同現實中嘅李剛慧有咩唔同？熱愛空手道嘅佢喺推廣呢個運動上面又有啲咩心得？主持：牛英嘉賓：前香港空手道代表李剛慧 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/spor…

1
Sportso-mate：EP.119｜細思慢想天外天｜嘉賓：香港跨欄代表梅政揚 Mars 22:27

6M ago22:27

22:27

運動員都係人，總唔能夠一日24小時都咁熱血，尤其喺面對傷患或者運動生涯受阻嘅時候，學習先接受後處理可能更為適合。曾經懷疑過自己係咪外星人嘅香港跨欄代表梅政揚（Mars)，運動員路上高高低低好幾回，接受同擁抱失敗係佢其中一個遇到困境嘅處理方法，外加由細到大都鍾意嘅畫畫，令佢嘅小宇宙可以喺框架外無限延伸。點解 Mars 特別鍾意喺創作中加入骷髏骨元素？運動員以外，Mars 仲想向邊方面發展呢？今集《Sportsomate》，椰青同你一齊喺天外天認識呢位跨欄運動員。主持：椰青嘉賓：香港跨欄代表梅政揚 Mars Sportunes 網站 | www.sportsoho.com/sportunes Instagram | www.instagram.com/sportunes_by_sport…

1
又係我牛英：EP.119｜持續發光｜嘉賓：常青長跑好手何炳僑 Jacky 26:29

6M ago26:29

26:29

為港爭光並唔係年輕運動員嘅專利，剛過去嘅 2024 第 21 屆全國常青田徑國際錦標賽，香港先進運動員何炳僑（Jacky）就喺65歲組別打破大會紀錄，以 42:26.64 完成 10000 米賽事；另外參加過兩次馬拉松，都只係用咗 3 個鐘頭多兩分鐘，Sub 3 指日可待，可以話係用行動證明咗畀大家睇，咩年紀嘅運動員都可以發光發亮。愈跑愈有嘅 Jacky 為咗可以不斷喺跑步路上突破自己，每次訓練完佢都會做一件事，食嘢方面都有一個小小嘅習慣畀大家參考。好有信心可以繼續刷新唔同紀錄嘅 Jacky ，除咗用短跑作為長跑訓練，仲有咩跑步貼士同心得畀大家？留意今集《又係我牛英》！主持：牛英嘉賓：何炳僑 Jacky Sportunes 網站 | www.sportsoho.com/sportunes…

1
Sportso-mate：EP.118｜仁其實天生奔放貪玩｜嘉賓：長青板仔仁哥 20:15

6M ago20:15

20:15

貪玩係人類天性，經常喺大圍出沒嘅長青板仔仁哥，就係一個好例子。雖然即將踏入70歲大關，玩滑板嘅資歷暫時只得兩年，但投入練習嗰份毅力可能比起你、我、甚至係帶佢入坑嘅仔仔仲要大。年輕嘅仁哥玩過網球、賽車、滑雪板等等，貪玩嘅癮可以話深入骨髓。年紀大係事實，仁哥直言而家學嘢確實冇以前咁快，但都無阻佢要學好滑板嘅決心：除咗落街同後生仔切磋板技，仁哥仲會自己喺YouTube搵教學片進修。學海無涯，有辦你睇！主持：椰青嘉賓：長青板仔仁哥 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportunes…

1
又係我牛英：EP.118｜因為喜歡所以堅持｜嘉賓：路跑素人杜寶玉 Jade 24:18

6M ago24:18

24:18

「大家都係一張白紙，每個人嘅起步點唔同，冇需要同人比較。」跑步女生杜寶玉（Jade）如是說。Jade 自己都係 2016 年先開始跑步，更加係 3 年前先真正投入跑步訓練，但係成績就相當不錯，金澤初馬已經做到 3 小時 22 分嘅佳績，其後第一次參加渣馬就做到萬金小姐。當人人都以為 Jade 係因為一直都順順利利先講得出呢句說話，但其實佢喺呢幾年都有迷失同崩潰過，正正因為鑽過牛角尖，先悟出跑步對自己嘅意義。點解冇目標咁跑步會唔Work? 如果想不斷進步，有啲咩說話要時刻記住？主持：牛英嘉賓：路跑素人杜寶玉 Jade Sportunes 網站 | www.sportsoho.com/sportunes Instagram | www.instagram.com/sportunes_by_…

1
Sportso-mate：EP.117｜舊旅途新起點｜嘉賓：ATOM Running 主理人陳熙雯 Tammy 22:39

6M ago22:39

22:39

形容自己係工作狂嘅業餘跑手陳熙雯（Tammy）試過日做夜做、不見天日嘅生活模式，捱到鬼剃頭先醒覺自己想要嘅人生並唔係咁。呢啲時候，有人會推翻自己曾經經歷過嘅嘢，重新出發，而 Tammy 就決定捉緊累積嘅經驗開拓新嘅生活體驗：曾經喺時裝採購打滾多年，Tammy 可以親自物色適合製作運動衫嘅物料；因為熱愛西洋書法，可以自己設計運動衫；因為鍾意跑步，可以創立自己嘅運動品牌。推倒重來唔係個個做到，好似跑步咁，一步一調整會唔會更適合你？主持：椰青嘉賓：ATOM Running 主理人陳熙雯 Tammy Sportunes 網站 | www.sportsoho.com/sportunes Instagram | www.instagram.com/sportunes_by_sportsoho F…

1
又係我牛英：EP.117｜太極之極｜嘉賓：香港武術代表楊頌熹 23:22

6M ago23:22

23:22

每次聽到「後生仔玩太極」，大家都一副難以置信嘅樣；但年青香港武術代表楊頌熹講起太極，就一臉驕傲，因為太極係佢搵人體極限嘅一個途徑。細細個已經視李小龍為偶像，楊頌熹四歲就主動同爸爸提出要習武，如今已經喺武術路上修行咗二十年有多。喺楊頌熹眼中，自己係一個武術「表演者」，所以每一場比賽都要用心預備，耍嘅每一個套路都要形神俱備，否則觀眾睇到嘅嘢就「得個殼」。太極嘅極限喺邊度？比賽場上嘅太極，同老人家喺公園耍嘅太極，又有啲咩分別？今集《又係我牛英》，有2024國際武術邀請賽男子太極劍銀牌得主楊頌熹同你分享佢嘅太極哲學。主持：牛英嘉賓：香港武術代表楊頌熹 Sportunes 網站 | www.sportsoho.com/sportunes Instagram | www.instagram…

1
Sportso-mate：EP.116｜文人從武｜嘉賓：Good Night Gym 主理人何倩彤 22:47

7M ago22:47

22:47

灣仔富德樓出名係一個文化及藝術集中地，點估到入面竟然有個地方孕育咗一班巴西柔術運動員？"Do Not Go Gentle Into That Good Night" 係一首嚟自威爾斯詩人 Dylan Thomas 嘅詩，同時係 Good Night Gym —— 一個運動文化空間嘅起源。形容為「空間」，因為參加者喺黑色嘅練習地墊上，除咗互相「糾纏」，仲有千百種互動嘅可能。參加「痛改前非肌肉班」、泰拳、巴西柔術等工作坊嘅人大部分都係文人，有鋼琴家、有編劇，亦有劇場中人，上堂前一齊睇一篇關於肌肉嘅散文、落堂寫封信畀一同練習嘅隊友⋯⋯運動嘅伸延，比我哋想像中更深、更遠。主持：椰青嘉賓：Good Night Gym 主理人何倩彤 Sportunes 網站 | www.sportsoho.com…

1
又係我牛英：EP.116｜遍地開跑｜嘉賓：大埔民間體育會成員馮健基 Morris 23:31

7M ago23:31

23:31

成日聽人講大埔同馬鞍山係跑步好地方，但住過呢兩個地方嘅跑步新手馮健基（Morris），一年前根本唔明。一年後，Morris 除咗鍾意咗跑步，仲加入埋大埔民間體育會，幫手推廣跑步呢個運動。Morris 話以前嘅自己脾氣差又冇耐性，但跑步之後，照鏡都睇到自己嘅改變。跑步嘅好處，果然係跑咗步嘅人先分享得透徹，一個影響一個，跑圈就會愈嚟愈大。話就話主張 Fun Run , Morris 一樣跑到好成績，一年內玩完10K同半馬，嚟緊仲想挑戰埋全馬㖭！跑步冇你想像中咁難，由腳下一步開始就得，鍾意嘅話仲可以一班人一齊做同一件事，遍地都可以開跑！主持：牛英嘉賓：大埔民間體育會成員馮健基 Morris Sportunes 網站 | www.sportsoho.com/sportunes Instagra…

1
Sportso-mate： EP.115｜行樂時行樂｜嘉賓：空手道搏擊代表鄭栩彬 22:05

7M ago22:05

22:05

"Work Hard, Play Hard" 係唔少人嘅人生哲學，對香港空手道代表鄭栩彬（彬仔）嚟講亦然。無論係比賽定係玩，都要去盡先能夠獲得最大嘅滿足感。由青年組轉打成人組冇幾耐嘅呢位香港空手道新星，除咗早前喺亞錦賽凱旋而歸，亦曾經喺哈薩克攞過兩面亞青獎牌，但佢竟然話唔係咁想再去呢個地方？市民眼中嘅空手道運動員都比較嚴肅，彬仔喺呢個圈子係點自處㗎呢？椰青喺節目中同彬仔玩咗幾個殘酷二選一，今集《Sportsomate》一齊笑住聽吓呢位運動員嘅日常！主持：椰青嘉賓：空手道搏擊代表鄭栩彬 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebo…

1
又係我牛英：EP.115｜貪玩兼貪靚｜嘉賓：健身及跑步教練 Perrie Lau 21:54

7M ago21:54

21:54

大隻就跑得慢? 想跑得好就唔可以有靚身型? 曾經奪得十大傑出教練同全港卓越教練獎嘅 Coach Perrie Lau, 今日就用自身經驗證明畀你睇，一切都只係都市傳說。只要你夠貪玩、夠貪靚，又接受到苦行僧般嘅生活，要魚與熊掌兼得其實冇話唔得。Perrie 除咗隻手瓜大到嚇親主持牛英，佢嘅運動表現一樣震懾到人。除咗健身同跑步，Perrie 連 Iron Man 三項鐵人都玩埋，成績仲要相當不錯！想知 Perrie cheat day 會食乜？練緊跑步速度同長度嘅同時，又點先可以Keep住大隻？即刻收聽今集《又係我牛英》啦！主持：牛英嘉賓：健身及跑步教練 Perrie Lau Sportunes 網站 | www.sportsoho.com/sportunes Instagram | www…

المدونة الصوتية تستحق الاستماع

Angels بودكاست

المدونة الصوتية تستحق الاستماع

دليل مرجعي سريع