Sons de Nós 12 de xullo de 2024 con Xose Constenla

SONS DE NÓS RadioFusión

Xosé Constenla é xeógrafo, exerce como profesor da Universidade de Vigo na Facultade de Ciencias da Educación e a súa faceta profesional non lle impide desenvolver o que é a súa vocación como cantautor, xa que leva máis de 20 anos adicándose á escrita e á composición musical. Xosé, cumpre coa definición “canónica” de cantautor pois afirma que a súa música amosa estados de ánimo e impresións sobre o que acontece no social”, e con estes vimbios elabora letras nas que o compromiso e a memoria son os protagonistas. Ten editado seis discos, o primeiro deles no ano 2005, “quen fixo Berrar ao silencio” e o último deles editado en abril deste ano, un EP con 6 cancións que leva por título “Para nunca esquecer”. Constenla está preocupado por un tecido cultural que non ten saído máis forte da pandemia, senón todo o contrario. A música como a súa, que el chama “música de proximidade”, ten cada vez menos espazos de convivencia co espectador, coa competencia dos formatos “macrofestivais”. “Para nunca esquecer” quer lembrar unha etapa da nosa historia que segue a ser unha ferida mal curada, un inxusto esquecemento de quen sufriu e nunca foi vindicado. rescata a memoria cotiá daqueles aos que se lles quitou a vida de moitos xeitos. Constenla rescata un episodio moi pouco coñecido da Guerra Civil no que Castelao e Santiago Álvarez, mobilizaron unha Milicia Popular Galega para defender Madrid dos golpistas. Ao chamado do Partido Galeguista milleiros homes e 150 mulleres conformaron un batallón que, ao berro de “Viva Galiza Ceibe”, participou na defensa de Madrid.