))
God se Oogmerk
Manage episode 452307918 series 3072738
المحتوى المقدم من Jokkie Gauché on behalf of Berni Dymet. يتم تحميل جميع محتويات البودكاست بما في ذلك الحلقات والرسومات وأوصاف البودكاست وتقديمها مباشرة بواسطة Jokkie Gauché on behalf of Berni Dymet أو شريك منصة البودكاست الخاص بهم. إذا كنت تعتقد أن شخصًا ما يستخدم عملك المحمي بحقوق الطبع والنشر دون إذنك، فيمكنك اتباع العملية الموضحة هنا https://ar.player.fm/legal.
Numeri 6:22-26 Die Here het vir Moses gesê: “Sê vir Aäron en sy seuns: So moet julle sê wanneer julle die Israeliete seën: “Die Here sal julle seën en julle beskerm; die Here sal tot julle redding verskyn en julle genadig wees; die Here sal julle gebede verhoor en aan julle vrede gee!
Dis ongelooflik belangrik om iemand se motiewe te verstaan. Ja, ons het almal al geleer dat jy maklik deur mense om die bos gelei kan word; want nie almal is, wie hulle sê hulle is nie. En nie almal doen, wat hulle belowe om te doen nie. Dit is net die beloop van die wêreld.
Ek moet jou vertel, die dag toe ek destyds die jongman, wat nou my dogter se man en die pa van hul twee kinders is, die eerste keer ontmoet het, het ek my haelgeweer oorgehaal gehad.
Hulle was albei jonk en ek het nie gedink dat hulle eendag sou trou en self ouers sou word nie. Maar my maat, moenie 'n fout maak nie, ek het hom fyn dopgehou en sy agtergrond nagegaan om te sien of hy my dogter goed sal behandel. Dit is tog wat vaders veronderstel is om te doen! Hy het, terloops, bewys dat hy die beste man en pa is, waarop ek kon hoop.
Maar kom ons kyk ‘n bietjie na wat God se oogmerk destyds vir sy volk was, en uiteraard ook vandag vir ons is. Daar is 'n interessante en baie bekende gedeelte, waarin God vir Moses beveel om sy volk te seën in:
Numeri 6:22-26 Die Here het vir Moses gesê: “Sê vir Aäron en sy seuns: So moet julle sê wanneer julle die Israeliete seën: “Die Here sal julle seën en julle beskerm; die Here sal tot julle redding verskyn en julle genadig wees; die Here sal julle gebede verhoor en aan julle vrede gee!
God se hart, ja, God se passie, is om jou ongelooflik baie te seën soos jy Hom beter en beter leer ken. God se doelwit vir jou lewe is reg en goed. Baie goed.
Dis Sy Woord. Vars … vir jou … vandag.
1397 حلقات
مشاركة
