NIHAAN FANA MEIN BAQA HAI, ZARA SANBHAL KE CHALO!

BAZM-E-ADEEL ZAIDI

NIHAAN FANA MEIN BAQA HAI, ZARA SANBHAL KE CHALO!
A GHAZAL FROM ADEEL ZAIDI'S BOOK - KAHAAN AA GAYE HAM
NIHAAN FANA MEIN BAQA HAI, ZARA SANBHAL KE CHALO
YE KHAAK, KHAAK-E- SHIFA HAI, ZARA SANBHAL KE CHALO
NAI KASOTI PE PARKHAIN GAY PHIR SE LOG TUMHAIN
MIAN YE SHEHR NAYA HAI, ZARA SANBHAL KE CHALO
HAR AIK ZAHN MEIN ANDAISHA HAAYE DOOR DARAAZ
HAR AIK LAB PE S ADAA HAI, ZARA SANBHAL KE CHALO
HAIN IS KI KHAAK KE PARDAY MEIN AASMAAN KAII
ZAMEEN-E-KARB O BALA HAI, ZARA SANBHAL KE CHALO
JAHAN SE TUM KO PAYAAM O SALAAM AATAY HAIN
WO SHEHR, SHEHR-E-JAFA HAI, ZARA SANBHAL KE CHALO
YE SAHN-E-ARZ-E-HARAM HAI, BA AHTIYAAT QADAM!
BAHUT QAREEB KHUDA HAI, ZARA SANBHAL KE CHALO
ABHI KISI KI JHALAK HAI HER AIK CHEHRAY MEIN
ABHI YE ZAKHM NAYA HAI, ZARA SANBHAL KE CHALO
JUDAIYAAN YE KAHIN DAAIMIN NA HO JAYAIN!!
MIZAAJ SAB KA J UDAA HAI, ZARA SANBHAL KE CHALO
SAFAR BHI DHOOP KA HAI AUR ADEEL TALWOON KA
HAR AIK ZAKHM HARA HAI, ZARA SANBHAL KE CHALO

SELECTIONS OF URDU POETRY FROM AROUND THE WORLD!

MORE AMAZING POETRY WILL BE ADDED SOON!

ENJOY ANOTHER RECITATION FROM BAZM-E-ADEEL ZAIDI