3gp.ترنيمة مسيحية من المغرب

3:30
 
مشاركة
 

Manage episode 348434902 series 3295601
بواسطة tzejohnliu@Gmail.com، اكتشفه Player FM ومجتمعنا ـ حقوق الطبع والنشر مملوكة للناشر وليس لـPlayer FM، والصوت يبث مباشرة من خوادمه. اضغط زر الاشتراك لمتابعة التحديثات في Player FM، أو ألصق رابط التغذية الراجعة في أي تطبيق بودكاست آخر.

Christian Hymn from Morocco.3gp //
كُورِنْتُوسْ 1- اللّْوّْلَى 15 - الْفَصْلْ خْمْسْطَاشْ

الْمَسِيحْ تّْبْعَتْ مْنْ الْمُوتْ1وْرَانِي كَنْفَكّْرْكُمْ آ الْخُوتْ بْالْإِنْجِيلْ اللِّي خَبّْرْتْكُمْ بِيهْ وْقْبَلْتُوهْ وْمَازَالْ تَابْتِينْ فِيهْ،
2وْبِيهْ غَتْنْجَاوْ إِلَا بْقِيتُو تَابْتِينْ فْالْكْلَامْ اللِّي خَبّْرْتْكُمْ بِيهْ، مْنْ غِيرْ إِلَا كْنْتُو آمْنْتُو بْلَا فَايْدَة.3رَانِي وَصّْلْتْ لِيكُمْ فْاللّْوّْلْ دَاكْشِّي اللِّي قْبَلْتُه حْتَّى أَنَا، بْلِّي الْمَسِيحْ مَاتْ عْلَى وْدّْ دْنُوبْنَا كِيفْ مْكْتُوبْ فْكْتَابْ اللَّهْ،
4وْتّْدْفَنْ، وْفْالنّْهَارْ التَّالْتْ تّْبْعَتْ مْنْ الْمُوتْ كِيفْ مْكْتُوبْ فْكْتَابْ اللَّهْ.
5وْبَانْ لْصَفَا وْمْنْ بَعْدْ لْلتّْلَامْدْ بْطْنَاشْ،
6وْمْنْ بَعْدْ بَانْ لْكْتَرْ مْنْ خَمْسْمِيَّةْ خُو فْمَرَّة وَحْدَة، بْزَّافْ مْنّْهُمْ بَاقْيِينْ حَيِّينْ وَلَكِنْ شِي وْحْدِينْ مْنّْهُمْ مَاتُو.
7وْمْنْ بَعْدْ بَانْ لْيَعْقُوبْ، وْمْنْ بَعْدْ لْلرُّسُلْ كُلّْهُمْ.
8وْفْاللّْخْرْ مْنْ بَعْدْ كُلّْشِي، بَانْ لِيَّ حْتَّى أَنَا، بْحَالْ إِلَا تّْوْلَدْتْ قْبَلْ مْنْ الْوَقْتْ.
9حِيتْ شَانِي صْغَرْ مْنْ شَانْ الرُّسُلْ وْمَا نْسْتَاهْلْشْ نْتّْسَمَّى رَسُولْ، عْلَاحْقَّاشْ كْنْتْ كَنْتّْعَدَّى عْلَى كْنِيسْةْ اللَّهْ.
10وَلَكِنْ بْالنِّعْمَة دْ اللَّهْ وْلِّيتْ فْهَادْشِّي اللِّي أَنَا فِيهْ دَابَا، وْالنِّعْمَة دْيَالُه اللِّي تّْعْطَاتْ لِيَّ مَا كَانْتْشْ بَاطْلْ، عْلَاحْقَّاشْ ضْرَبْتْ تَمَارَة كْتَرْ مْنّْهُمْ كَامْلِينْ. مَاشِي أَنَا اللِّي دْرْتْ هَادْشِّي، وَلَكِنْ نِعْمَةْ اللَّهْ هِيَ اللِّي كَتْخْدَمْ فِيَّ.
11وْسْوَا أَنَا وْلَا هُمَ، رَاهْ هَكَّا كَنْخَبّْرُو بْالْبْشَارَة وْهَكَّا آمْنْتُو.

253 حلقات