Dagáll læknanemans: Tómas Þór Ágústsson - Sykursýki 2
Manage episode 275029909 series 2483190
"Dagáll læknanemans" er nýtt hlaðvarp fyrir læknanema (cc: Félag læknanema) og aðra áhugasama um hvaðeina sem viðkemur klínik og læknisfræði. Hlaðvarpið fær til sín sérfróða gesti og tekur fyrir ýmis læknisfræðileg vandamál. Í þætti vikunnar ræðir Tómas Þór Ágústsson um sykursýki 2. Tómas Þór er sérfræðilæknir á Landspítala í almennum lyflækningum og innkirtlalækningum. Fyrst er mismun á sykursýki 1 og 2 gerð skil. Þá fer viðmælandi okkar yfir meingerð sykursýki 2, fylgikvillum, eftirliti og greiningu. Meðferð er rædd næst. Fyrst bráð meðferð og þá hvort og hvenær viðeigandi er að hefja meðferð með insúlíni til skamms tíma. Tómas fer svo yfir sykursýkismeðferð inniliggjandi sjúklinga og gildi hins víðfræga NovoRapid -skema. Eftir það berst samtalið að langtímameðferð. Farið yfir lyfjaflokkana sem standa til boða og kostir og galla hvers og eins með sérstakri áherslu á "nýju lyfin", það er SGLT2 og GLP1. Að síðustu er tíundað hvenær og hvernig sé best að hefja insúlínmeðferð hjá sjúklingum með Sykursýki 2.
Stjórnendur Dagáls læknanemans eru Sólveig Bjarnadóttir læknanemi á 6. ári og Teitur Ari Theodórsson læknanemi á 5. ári. Dagáll læknanemans er sjálfstæð þáttasyrpa innan Hlaðvarps Landspítala.
Hlaðvarp Landspítala er aðgengilegt á vef spítalans og helstu samfélagsmiðlum, en einnig í streymisveitunum Spotify og Apple iTunes, ásamt hlaðvarpsveitum á borð við Simplecast, Pocket Casts og Podcast Addict.
SPOTIFY
SIMPLECAST
https://landspitalihladvarp.simplecast.fm/dagall-05
(Tónlist: "Garden Party" með Mezzoforte. Notað með leyfi frá hljómsveitinni.)
98 حلقات