احنا في علاقتنا ببعض عاملين زي البلاد كل واحد ليه حدود ساعات بنمنع حد انه يدخل تماما و ساعات بنمضي اتفاقيات مع ناس تدخل لحد مكان معين و بعد كده ممكن ممنوع و ساعات بنعمل وحدة مع بلد تانية في الحلقة دي حنعرف ازاي تحدد الحدود بتاعتك و تحافظ عليها

كتير بنحس إننا عايزين نمشي في طريق أو نعمل حاجة نفسنا فيها بس بنكون دايماً خايفين عشان الموضوع أحياناً ما بيبقاش منطقي! فى الحلقة دي هنقرب أكتر من حدسنا وهنعرف الفرق بينه و بين حاجات تانية بتلخبطنا... قولولنا فى التعليقات ايه الحاجات اللي نفسكوا تعملوها بس خايفين، واعملوا مينشن لأصحابكم التايهين 🙄🙄

Cairo Runners فى خلال الكام سنة اللي فاتوا مش بس قدروا يعملوا حاجة محدش عملها قبل كده و هو انهم ينظموا أول ماراثون فى وسط البلد لا دول كمان غيروا فى حياة ناس كتير عن طريق ممارسة الرياضة. فى الحلقة دي هنعرف من إبراهيم صفوت مؤسس Cairo Runners و أحمد شاذلي الشريك المؤسس حاجات عمرهم ما قالوها قبل كده عن رحلة Cairo Runners من البداية لحد دلوقتي و ايه ال…

فى الحلقة حنشوف إزاي علي كان بيعاني من كتر الشخصيات اللي جواه و عالج الموضوع ده إزاي و يحيي حيقولنا إيه التفسير العلمي للموضوع عشان لو حد حاسس إن جواه ٢ أو ٣ أو ١٠ بيتخانقوا مع بعض إكتبولنا فى الكومنتات لو مريتوا بالمشكلة دي و لا لا و إتعاملتوا معاها إزاي؟

هو أنا لو حبيت نفسي حبقى أناني؟ إيه الفرق بين حب النفس و الأنانية؟ حيحصلي إيه لما أحب نفسي؟ طب ما لو كل واحد عمل اللي هو عايزه الدنيا حتخرب. حلقة جامدة جداً حنرد فيها علي كل الأسئلة دي قولولنا رأيكم ايه

فى الحلقة دي حتعرف ازاي تتواصل مع نفسك و مع مشاعرك السلبية ازاي تسمح لنفسك انك تغضب و تزعل و تتضايق و تحس و ايه علاقة ده بتحسين علاقتنا باللي حوالينا و ازاي لما احب نفسي حاعرف احب اللي حواليا حتعرف طرق عملية تتخلص بيها من مشاعرك السلبية بشكل يخدمك و يخدم اللي حواليك قولنا فى التعليقات ايه الطريقة اللي جربتها و فرقت معاك ازاي…

بنات كتير بتشتكي بعد فترة من العلاقة ان الولد بيتغير و بتقول مش هو ده الشخص اللي انا اتجوزته فى الحلقة حنعرف الموضوع ده بيحصل ليه و ازاي نعالجه. و حنعرف برضه ازاي علاقتي بنفسي بتأثر على علاقتي باللي حواليا استمتعوا و قولولنا رأيكم فى الcomments

احنا بالفطر اجتماعيين وعندنا غريزة بتدفعنا للحب والترابط.. ودي حاجة زي الجازبية شىء ماحدش يقدر يتخلى عنه لان السبب الرئيسي في وجوده هي غريزة البقاء، فمنغير ترابط البشرية هتنقرض...لكن غريزة احتياج الحب والترابط اكبر نقطة ضعف عند الانسان.. بالذات في مرحلة الطفولة.. ولما نفهم اكتر هنكتشف ان كل مشاكلنا النفسية والحاجز بينا وبين الحياة الي بنحلم نعشها ا…

كلنا بنتعلق بحاجات و بعد كده بنفقدها الموضوع ده بيحسسنا بالألم ايه هو التعلق و ازاي بيحصل و ازاي ممكن نستخدمه بطريقة ايجابية هوده اللى حنعرفه فى الحلقة دي

عمرك عملت حاجة و بعد كده قولت أنا ما كنتش عايز أعمل كده؟ طب عمرك وصلت لحاجة و بعد ما وصلتلها اكتشفت انها ما تستاهلش؟ كل ده سببه اننا مش عارفين نفسنا كويس عايزين ايه و مش عايزين ايه شاطرين فى ايه و مش شاطرين فى ايه و حاجات تانية كتير فى الحلقة دي حنتكلم عن ازاي نعرف نفسنا و يعني ايه نعرف نفسنا Gary Vaynerchick - https://www.youtube.com/user/GaryVayn…

ما حدش علمنا ازاي نتعامل مع أحزاننا. فكان الحل اننا بنهرب منها. طب أنت عارف ان الهروب من الأحزان بيزودها؟ فى الحلقة دي حتعرف ازاي تتقبل حزنك و تتعامل معاه عشان أنت اللى تتحكم فيه مش هو اللي يتحكم فيك اكتبوا لنا ايه الطريقة اللى جربتوها فى التعليقات و ساعدتكم ازاي

فى أنواع كتير أوي من الإدمان غير المخدرات لو عايز تعرف انت مدمن و لا لا اسمع الحلقة دي بنتكلم فيها عن أنواع الإدمان و ليه بندمن و ازاي نبطل عشان نعرف نعيش الحياة اللي عايزنها

ايه الفرق بين التهور و الشجاعة؟ فى الحلقة دي علي و يحيي كان عندهم وجهات نظر مختلفة فى الموضوع واحد كان شايف ان لازم أشغل مخي قبل ما أعمل اللى بخاف منه و التاني كان شايف ان المخ ممكن يضحك عليا تعالوا نسمع قالوا ايه و قولنا رأيك فى ال comments و اقتنعت برأي مين أكتر علي و لا يحيي

عشان تعمل أي حاجة جديدة لازم تخلق فيها معنى أو متعة. فى الحلقة دي حنتكلم ازاى تلاقى معنى أو متعة فى الحاجة اللى عايز تعملها عشان تبدأ و تكمل فى أي حاحة أنت عايز تعملها

كام مرة كنت عايز تروح الجيم و ما روحتش؟ كام مرة كنت عايز تاخد كورس و كسلت؟ كام مرة كنت عايز تعمل حاجة و أجلتها؟ فى الحلقة دى حنعرف ليه بنأجل الحاجات اللى عايزيت نعملها؟ و ازاي نبطل عادة التأجيل أو التسويف؟ قولنا رأيك فى التعليقات و ايه الحاجة اللى أنت بتأجلها

مش هينفع أنت فاكر نفسك مين؟ هيقولو عليك ايه؟ كلام كتير بيقولهولنا الصوت اللى بيدور فى دماغنا و معظم الكلام ده بيبقى سلبي و بيعطلنا و يزعلنا فى الحلقة دى بنتكلم عن ايه هو الصوت ده و ازاى نتعامل معاه قول رأيك فى التعليقات و ما تخليش الصوت يوقفك :)

:الكدب نوعين نوع بنبقى عارفين اننا بنعمله و ده سها اننا نبطله و النوع التانى الكدب اللي بنبقى مش عارفين اننا بنعمله و هو الكدب على نفسنا فى الحلقة بنتكلم عن ازتي نعرف اننا بنكدب على نفسنا و ازاي نبطل نكدب على نفسنا و الفرق بين الرجالة و الستات فى الموضوع ده

فى الحلقة دي بنتكلم عن الـتأمل و ممكن يفيدنا ازاى؟ و ايه أنواع التأمل و ازاى تبدأ؟

ساعات كتير بيبقى نفسنا نقول حاجة بس مش عارفين و ده من أكتر الحاجات اللى بتضايقنا فى الحلقة دى هنتكلم فى ازاى ممكن نقول اللى عايزينه و ما نخافش

ليه بدأنا؟ فكرنا كتير قبل ما نبدأ و تفكير فى البداية هو اللي كان مخلينا مش عارفين نبدأ فقررنا نبطل تفكير فى البودكاست و نعمل البودكاست