Prime عمومي
[search 0]
أكثر

تنزيل التطبيق!

show episodes
 
تعددت الاختيارات وزادت المسلسلات بشكل خيالي وهدفي من البرنامج هو تسهيل عملية اختيارك قبل ما تلتزم بالمتابعة وتكتشف بعدها إنك ضيعت وقتك على شي ما هو على موودك ولا هو على ذوقك! بودكاست تلفاز هو برنامج بودكاست عربي بيقدم معلومات ملخصة عن المسلسلات الأجنبية التلفزيونية بشكل مختصر ومفيد. تعرّف على أشهر المسلسلات واختار من بينها يلي حابب إنت تشاهده!
 
Loading …
show series
 
صار وقت حلقة البودكاست الحوارية يلي كنت منتظرة أعملها من زمان Apple TV+حكينا عن أكتر الأعمال يلي عجبتنا وحبيناها كتير ومتل حلقتنا السابقة أنا وهويدا حكينا عن كتير مواضيع تانية، فإذا حابين تسمعوا زيادة دردشة، كلها موجودة بآخر الحلقة Black Bird 9:00 Shining Girls 18:15 Cha Cha Real Smooth 29:40 Calls 42:30 دردشة 53:00…
 
حلقة بودكاست بحكي فيها عن فيلم نتفليكس الجديد ذا غراي مان من دون سبويلرز، الفيلم أكيد ما كان قد التوقعات العالية متل معظم أفلام الآكشن على نتفليكس وبالحلقة حكيت عن المشاكل يلي عم تواجه هذا النوع من الأفلام، خاصة يلي من إنتاج خدمة نتفليكسبقلم Layal
 
حلقة حوارية مع هويدا حكينا عن فيلم ثور: لوف آند ثندر، بالأول أكيد من دون سبويلرز وبعد الدقيقة 15 منفوت بتفاصيل ومشاهد حبيناها وكمان مشاهد ما حبيناها وبالآخر قرأنا كومنتات من المشاهدين خبّرونا عن رأيهن بالفيلم صحيح نحن حكينا عن الفيلم، بس ما قدرنا ما نناقش مواضيع تانية، جلسة دردشة بجدارةبقلم Layal
 
المسلسلات يلي حكيت عنها بهي الحلقة هن The Victim 3:40 From 6:30 The Outsider 9:55 Sharp Objects 12:35 The Thing About Pam 14:10 The Tourist 16:10 Hacks 18:30 Succession 20:50 The Great 21:45 Mare of Easttown 22:20بقلم Layal
 
الصيف بدأ وبدأت الإجازات والسفرات، إذا مش مسافرين أو عندكم وقت لمتابعة التلفزيون والمسلسلات حبيت قدم سلسلة من الحلقات يلي فيها قائمة بالمسلسلات الموجودة على خدمات الستريمينغ، وبهي الحلقة حقدم مجموعة مسلسلات متوفرة على خدمة آمازون برايم فيديو. بصراحة عندهن عدد كبير ورائع من المسلسلات يلي ما كتير الأشخاص بيحكوا عنها وما بيعرفوها حتى The Night Manager…
 
حلقة بودكاست كنت حابة قدمها من زمان، لأني بحب أفلام ديزني الكلاسيكية من أيام الطفولة. هالأفلام علمتني دروس كتير مهمة وأكتر شي علمني دروس هن شخصيات الأشرار بهي القصص. توب 5 لأكتر شخصيات شريرة أثرت فيّ وعلمتني دروس مهمة بالحياةبقلم Layal
 
خدمة ديزني بلس صارت متوفرة بالوطن العربي وعليها في كتير أعمال من أفلام لمسلسلات، من الكلاسيكيات المشهورة لأحدث الإنتاجات المميزة. بهي الحلقة حإحكي عن مجموعة من المسلسلات يلي تابعتها بهذا الأسبوع و حأعمل حلقات أكتر مخصصة للمحتوى المتوفر على هي الخدمة Only Murders in the Building 7:15 Dopesick 11:25 The Dropout 15:00 The Big Leap 17:30…
 
No Spoilers - من دون حرق حلقة حوارية مميزة جداً مع ضيف مميز، علي من بودكاست من الأول. ومع بعض حكينا عن مسلسل ذا أوفر وشو رأينا فيه من دون سبويلرز وما قدرنا أبداً ما نفوت بتفاصيل أفلام ذا غادفاذر - ليش تعتبر هذه الأفلام من أهم الإنتاجات السنمائية وشو القصص يلي صارت خلف الكواليس ليتم بالآخر تقديم هيك تحفة فنية رائعة مسلسل ذا أوفر عم يعرض على OSN+…
 
حلقة خاصة بحكي فيها عن المحاكمة يلي اكتسحت الأخبار والسوشال ميديا قضية الممثل جوني دِب وآمبر هيرد، بحكي عن أهم المواقف يلي كان إلها تأثير على مجرى الأحداث وكان أكيد إلها تأثير كبير على الرأي العام عن آمبر. الحلقة هي رأي شخصي وعرض للأحداث يلي صارت بكل بساطة، من دون أهداف ونوايا شخصية مخباية، الهدف منها أبداً مش الإستخفاف بهيك نوع من الأذى الجسدي وال…
 
من دون حرق - No Spoilers حلقة مخصصة لمراجعة المسلسل الجديد ذا تايم ترافلرز وايف وهو مقتبس من الرواية ومستند على الفيلم يلي صدر بالـ2009 بهي الحلقة حيكون معي ضيف مميز وهو الناقد السينمائي من المغرب زكريا ومع بعض حنعمل على مراجعة هذا العمل وكمان حنحكي عن موضوع صناعة نسخ جديدة من أعمال قديمة، شو الإيجابيات وشو السلبيات…
 
حلقة لمراجعة فيلم دكتور سترينج الجديد، بالأول من دون سبويلرز للمستمعين اللي ما تابعوه وبعدين مع سبويلرز وحوار مطول عن الأشياء يلي ما عجبتنا وما حبيناها وكمان بضم آراء المستمعين وبناقش العديد من النقاط المهمة يلي أرسلولي ياها على الإنستغرام الفقرة الحوارية الدقيقة 16:00بقلم Layal
 
حلقة بودكاست حوارية لمناقشة مسلسل سيفرانس أول 20 دقيقة من الحلقة من دون سبويلرز منعرّف المستمعين على المسلسل بشكل عام ومن بعدها منفوت بنقاش مطول لفصفصة أحداث هذا العمل المميز والمختلف عن أي شي حضرناه من فترة طويلة Apple TV Plus شكراً لـ بالحلقة حكيت عن رسائل مخصصة لهذا المسلسل تم إصدارها بعد عرضه، وفيها معلومات كتير حلوة، وهذا اللينك لهي الرسائل ht…
 
من دون حرق no spoilers مسلسلين مقتبسين من أحداث حقيقية، شخصيات حقيقية وشركات حقيقية، بس السؤال هو قديش فعلاً هالشركات حقيقية وشو هي الأكاذيب يلي لجألها أصحابها ليتمكنوا من الحصول على مبالغ استثمار لتمويل أحلامهم وطموحاتهم غير المنطقية بحكي بالحلقة عن كل مسلسل لحاله بالأول، لعرفكن على طابعهن العام، وبالآخر بعمل على المقارنة بيناتهن وأي واحد حبيت أكت…
 
هي الفترة تابعت العديد من الأعمال منها مسلسلات عربية ومنها مسلسلات أجنبية، فحبيت خبركن عنها بهي الحلقة. المسلسلات هن من شارع الهرم إلى ومسلسل مع قيد التنفيذ، وبالجانب الأجنبي تابعت مسلسل أناتومي أوف إيه سكاندال ومسلسل ذا ثينغ آباوت بام من شارع الهرم إلى 5:00 مع وقف التنفيذ 13:50 The Thing About Pam 18:25 Anatomy of A scandal 20:10…
 
تكملة لحديثنا الأسبوع الماضي بأول حلقة لشهر رمضان، اليوم استضفت معي الصديقة والزميلة العزيزة سارة وأكيد كانت معنا جمان حكينا عن عدد من الأعمال يلي عم نتابعها بالإضافة إلى أعمال تانية كنا نحبها سابقاً كتيربقلم Layal
 
حلقة بودكاست حوارية مخصصة لشهر رمضان المبارك. مناقشة أنواع الأعمال العربية والعناصر اللي ممكن تسبب ضعف لهي الإنتاجات. شو أهم المسلسلات بهي السنة ومين من الممثلين مش متواجدين بالماراثون الرمضانيبقلم Layal
 
من دون حرق - No Spoilers حلقة بودكاست بجمع فيها عدد من المواضيع، بحكي أول شي عن حفل توزيع جوائز الأوسكار ومين الفائزين. بنتقل بعدها لمراجعة الفيلم الكوميدي الرومانسي ذا لوست سيتي، وبالآخر بعمل على مراجعة فيلم الآكشن والمطاردة آمبولانس. جوائز الأوسكارز 1:30 فيلم ذا لوست سيتي 11:10 فيلم آمبولانس 16:00بقلم Layal
 
No Spoilers من دون حرق حلقة بودكاست بحكي فيها عن مسلسلين الأول هو مسلسل ذا توريست والتاني هو مسلسل ذا ثينغ أباوت بام. الفقرة يلي رح إحكي فيها عن مسلسل ذا توريس رح تكون شوي أطول من فقرة ذا ثينغ أباوت بام - لأنو ذا توريس كامل وحضرت كل حلقاته، يعني بقدر قيمه بطريقة كاملة. أما ذا ثينغ أباوت بام لسا عم تعرض حلقاته أسبوعياً - التنين من نوع جريمة ودراما، …
 
حلقة مراجعة مسلسلين على نتفليكس إنفينتينغ آنا وبيسز أوف هير بالأول ما كنت مفكرة إني أعمل مراجعة لهالعملين بصراحة، وخاصة إنفنتينغ آنا بس بعد ما حضرت مسلسل بيسز أوف هير - اقتنعت انو لازم إحكي عنهم مع بعض! أول شي لأنون على نتفليكس وتاني شي لأنو التنين حسسوني نفس الشعور - بعرف إنون ما بيشبهو بعض بالتصنيف والطابع العام، بس لما انتهيت منهن طلعو بيشبهوا ب…
 
حلقة بودكاست لمراجعة فيلم ذا باتمان من دون سبويلرز بحكي عن أداء التمثيل من الممثل روبرت باتينسون وزوي كرافيتس وكولين فيريل وغيرهن. بحكي كمان عن رؤية المخرج لهذا العمل والأسلوب المستخدم بعرض الأحداث. وبالآخر بضم مجموعة من آراء المستمعين يلي حضروا الفيلم وشاركوني آراءهم على الإنستغرامبقلم Layal
 
حلقة بودكاست جديدة بعرف فيها المستمعين على 3 مسلسلات جديدة. الحلقة بشكل عام منها حلقة مراجعة فقط، الهدف منها هو إني عرف المستمعين على هذه الأعمال لتعرفوا إذا هي من ذوقكم وعلى موودكم Three New TV Shows on Apple TV + The After Party 3:20 Suspicion 8:25 Severance 13:00بقلم Layal
 
حلقة جديدة بحكي فيها عن رأي بفيلمين شفتهن هذا الأسبوع بالسينما، بالأول بحكي عن فيلم الجريمة والغموض ديث أون ذا نايل وبعدها بحكي عن رأي بفيلم أنتشارتد يلي رأي فيه أبداً ما كان إيجابي Death on the Nile 1:00 Uncharted 8:10بقلم Layal
 
حلقة بودكاست جديدة خصصتها لترشيحات جوائز الأوسكار. بحكي فيها عن المرشحين بالفئات الرئيسية، وكمان بلقي الضوء على عدد من الترشيحات المهمة بفئات تانية فرعية! لما إحكي عن الفئات والمرشحين، رح خبركن عن توقعاتي لمين حيفوز. الفئات يلي بحكي عنها هي أفضل فيلم - أفضل ممثل/ممثلة بأدوار رئيسية - أفضل ممثل/ممثلة بأدوار مساندة - وأفضل مخرج…
 
حلقة جديدة بحكي فيها عن مجموعة مسلسلات مهمة منتظرة حيبدأ عرضها بشهر فبراير وشهر مارس، أكيد في أكتر من المسلسلات يلي حإذكرها اليوم، بس اخترت أعمال أنا شخصياً منتظرتها وأعمال تانية إلها فانز وجمهور كبير. القائمة فيها 14 مسلسل منها مسلسلات جديدة ومنها مواسم جديدة لأعمال سابقة List: Raised By wolves - season 2 - 3rd February Suspicion - Season 1 - 4th …
 
حلقة بودكاست جديدة لمراجعة مسلسلين على نتفليكس، الأول هو ذا وومان إن ذا هاوس ومسلسل نتفليكس الكوري أوول أوف أس آر ديد - القسم يلي بيتعلق بذا وومان إن ذا هاوس ما حيكون كتير إيجابي على عكس أوول أوف أس آر ديد - من دون سبويلرز! يعني إذا لسا ما حضرتوهن فيكن تسمعوا الحلقة لتعرفوا شو تتوقعو من هالمسلسلين The Woman in The House 1:55 All of Us Are Dead 8:30…
 
حلقة بحكي فيها عن أربعة أفلام تابعتها هذا الأسبوع على خدمات مشاهدة مختلفة من أمازون برايم وآبل بلاس ونتفليكس. بالفقرة المخصصة لفيلم نتفليكس العربي أصحاب ولا أعز حتنضم لإلي ضيفة (هويدا) ومع بعض مناقش فكرة الفيلم والهجوم يلي عم يتعرضله هذا العمل Being The Ricardos 1:30 Swan Song 6:37 The Tragedy of Macbeth 10:25 أصحاب ولا أعز الدقيقة 14:28…
 
حلقة خاصة بعرض فيها أهم الأفلام يلي حتصدر هذا العام، هي القائمة فيها أعمال عديدة منها أفلام أنا متشوقة لشوفها ومنها حاصلة على ضجة كبيرة من الفانز. هي الحلقة فيها موعد عرض 22 فيلم بهذا العام. وأكيد في أكتربقلم Layal
 
حلقة بودكسات بحكي فيها عن نهاية الموسم الجديد من ديكستر، الموسم ككل حلو وبيشد المشاهد ولكن النهاية فشلت للمرة التانية إنها تقدم شي بيليق بالمتابعين وبشخصية دكستر نفسها. بهي الحلقة بحكي عن الأشياء يلي ما عجبتني بالحلقة الأخيرة، وكمان بحكي عن الأسباب يلي بنظري أدت لهذا الفشلبقلم Layal
 
بهي الحلقة من البودكاست وهي المرة بدل ما إحكي عن أفضل أعمال شفتها بهي السنة، رح خصص هذا الوقت لإحكي عن ممثلين حبيتون وظهروا بشخصيات فاجأتني وقدموا أداء تمثيلي مميز بالنسبة إليبقلم Layal
 
توديعاً لعام 2021 خصصت هالحلقة، يلي بحكي فيها عن التوب 5 أفضل مسلسلات تابعتها هذا العام وكمان التوب 5 أسوأ مسلسلات تابعتها بهذا العام.بقلم Layal
 
حلقة بحكي فيها عن ثلاثية أفلام ذا ماتريكس، ملخص عن الأحداث يلي صارت فيها وبقدم رأي بهالأفلام. وكمان بعمل على مراجعة فيلم ذا ماتريكس 4 الجديد ملخص الأفلام السابقة الدقيقة 2:16 رأي بالأفلام التلاتة الدقيقة 6:22 مراجعة ذا ماتريكس 4 الدقيقة 11:10بقلم Layal
 
حلقة بودكاست من دون سبويلرز بحكي فيها عن فيلم سبايدرمان نو واي هوم. شو الأشياء يلي كانت حلوة بالفلم؟ مين الشخصيات يلي عجبتني؟ كيف كانت تجربة مشاهدتي لإلو.بقلم Layal
 
هي الحلقة موجهة بالتحديد لمتابعي مسلسل ذا ويتشر! للأشخاص يلي شاهدوا ذا ويتشر من قبل عامين لما صدر، ونسيانيين شوي من الأحداث يلي صارت، بهي الحلقة حإحكي عن أهم الأحداث السابقة وكمان ممكن تساعد بعض المستمعين على ترتيب الأحداث بالتسلسل الزمني الصحيح. بعدين حإنتقل لأحكي عن نهاية الموسم الأول! ووين الأحداث الأخيرة تركت الشخصيات الرئيسية بتمنى حلقة البودك…
 
حلقة بحكي فيها عن فيلمين من إنتاجات نتفليكس الأصلية ذا باور أوف ذا دوغ من بطولة بينيديكت كامبرباتش وفيلم بروزد من بطولة هالي بيري. بعرّف المستمعين على الطابع العام لهي الأفلام إذا لسا ما شفتوها. وعلى السريع بحكي عن فيلم إسكيب روم. The Power of The Dog 1:20 Bruised 9:17 Escape Room 12:34بقلم Layal
 
حلقة بودكاست بحكي فيها عن مسلسل نتفليكس المستند من لعبة فيديو غيم آركين ليغ أوف ليجيندز، بهي الحلقة الطابع العام يلي فيها إيجابي كتير لأنو هذا أفضل مسلسل شاهدته بآخر كم سنة!بقلم Layal
 
حلقة حوارية بعرّف فيها المستمعين على عملين من نوع الرومانس والدراما، الحلقة فيها قسمين الأول بقدم العملين بشكل عام والقسم التاني بستضيف (جمان وهويدا) ومع بعض مناقش أعمال الحب والرومانس وفكرة العلاقات بالوقت المعاصر.بقلم Layal
 
حلقة بعرّف فيها المستمعين على مسلسلين عم يعرضو على نتفليكس وصدروا حديثاً هيلباوند الكوري الدقيقة 1:05 مسلسل كاوبوي بيبوب الدقيقة 6:30بقلم Layal
 
حلقة بحكي فيها عن عدد من الأفلام يلي ما تابعتها أول ما نزلت وحضرتها حديثاً وحبيت قدم للمستمعين رأي الشخصي فيها! الحلقة فيها سبويلرز وبعطي فيها رأي بصراحة تامة. فيلم مولان الدقيقة 1:26 فيلم ذا فاذر الدقيقة 9:35 فيلم بلاك ويدو الدقيقة 15:00بقلم Layal
 
حلقة بودكاست لمراجعة فيلم نتفليكس الجديد رد نوتس من بطولة ذا روك وريان رينولدز وغال غادوت وكمان مراجعة الموسم التالت من مسلسل ييو الموسم 3 من مسلسل ييو الدقيقة 1:30 فيلم رد نوتيس الدقيقة 10:00 New podcast Episode to review Netflix's new film Red Notice and Season 3 of You Tv Show You season 3 minute 1:30 Red Notice 10:00…
 
حلقة بودكاست بحكي فيها عن أهم الأحداث يلي صارت بمسلسل دكستر بالمواسم الثمانية السابقة وبقدم للمستمعين معلومات عامة عن الموسم الجديد بالإضافة إلى مراجعة الحلقة الأولى من الموسم التاسع الجديد وشو صار مع دكستر بعد نهاية الموسم التامنبقلم Layal
 
حلقة بودكاست بحكي فيها عن أكتر 5 أفلام رعب خوفوني بحياتي لأنو الرعب هو من أكتر الأعمال المفضلة عندي، فبهي الحلقة حكيت عن العديد من الأعمال بشكل مختصر، هذا بالإضافة إلى التحدث عن أكتر 5 أفلام رعب تمكنت من إنها تخوفني بشكل كبير.بقلم Layal
 
حلقة بودكاست جديدة خصصتها لعملين تابعتهن من قبل فترة وعجبوني، وحبيت إحكي عنهن لأنو ما حصلوا على الشهرة يلي بيستحقوها! المسلسل الأول هو هيلز والمسلسل التاني هو ذا آكت مسلسل هيلز الدقيقة 1:50 مسلسل ذا آكت الدقيقة 11:20 Heels minute 1:50 The Act minute 11:20بقلم Layal
 
حلقة بودكاست حوارية جديدة لمراجعة مجموعة أعمال تابعناها هذا الأسبوع وأهم فيلمين صدروا حديثاً معي بالحلقة ضيفتين: جمان وهويدا أنا حإحكي عن مسلسل أمازون برايم سنيكي بيت الدقيقة 3:45 جمان حتحكي عن مسلسل نتفليكس الكوري دي بي الدقيقة 5:51 وكمان جمان حتحكي عن مسلسل نتفليكس الكوري هومتاون تشا تشا تشا الدقيقة 7:45 هويدا حتكي عن فيلم ديون الدقيقة 11:03 ومع …
 
حلقة بودكاست بحكي فيها عن عدد من الأعمال يلي تابعتها خلال الأسبوع الماضي مسلسل نتفليكس ميدنايت ماس أو قداس منتصف الليل. الدقيقة 1:19 فيلم نتفليكس ذا غيلتي (المذنب). الدقيقة 9:05 الحلقة الأخيرة من الموسم التاني لمسلسل تد لاسو. الدقيقة 13:50 مسلسل بيغ سكاي (على خدمة شاهد). الدقيقة 16:22بقلم Layal
 
حلقة جديدة بناقش فيها مسلسل نتفليكس الكوري سكويد غايم لعبة الحبار - ومعي بالحلقة ضيفة مميزة من أشد المحبين للأعمال الكورية. بالرغم من إعجابنا بالمسلسل إلا إنو كان في نقاط ضعف وبالحلقة رح نعمل على مناقشة العناصر القوية والضعيفة.بقلم Layal
 
مراجعة مسلسل ذا وايت لوتس. واحد من الأعمال يلي بيطغى عليها الطابع الأمريكي بشكل كبير. حلقة بودكاست بحكي فيها عن فكرة المسلسل لوضح للمستمعين شو طبيعته وفكرته قبل ما تابعوه وتلتزمو فيه!بقلم Layal
 
حلقة بودكاست مخصصة للمسلسل الكوميدي اللي ترشح لـ20 جائزة إيمي وحصل على 7 منها هذا العام مسلسل تيد لاسو. العمل من نوع كوميدي درامي بيدور حول مدرب كرة قدم أمريكية انطلق لبريطانيا لتدريب منتخب كرة قدم. عمل رائع وبيستحق المتابعة! اسمعوا الحلقة فيها كتير تفاصيل.بقلم Layal
 
بهي الحلقة رح إحكي عن مسلسل كنت متوقعة يفاجئني ويكون حلو! لكتير أسباب كنت متوقعة هذا الشي ورح اشرح هذا الموضوع بالحلقة! المسلسل هو ناين بيرفكت سترينجرز.. وهو مستند من كتاب بنفس العنوان للكاتبة ليان موريارتي التي ألفت كتاب بيغ ليتيل لايز. ويمكن هذا أول سبب لتوقعاتي العالية العمل من نوغ غموض وإثارة ودراما وبيناسب المشاهدين فوق الـ18…
 
حلقة بودكاست جديدة بالعربي لمراجعة مسلسل نتفليكس الأردني مدرسة الروابي للبنات. هذا الأسبوع كنت ضيفة ببرنامج بودكاست من الأول! وناقشنا المسلسل بتفاصيله... بهي الحلقة رح إعرض بعض المقاطع من الحلقة المشتركة. مدرسة الروابي للبنات IMDb 7.4 بودكاست تلفاز 57%بقلم Layal
 
Loading …

دليل مرجعي سريع

حقوق الطبع والنشر 2022 | خريطة الموقع | سياسة الخصوصية | شروط الخدمة
Google login Twitter login Classic login