King عمومي
[search 0]
أكثر

تنزيل التطبيق!

show episodes
 
إمام لمسجد الإخلاص بمدينة الخبر بحي الكورنيش الحمد لله مجاز برواية حفص عن عاصم أحب شي في حياتي قرآﺀة القرآن الكريم والتغني به وأتمنى من الله أن يجعله حجة لي لا علي . ولمن يرغب بالتواصل معي عبر الواتس اب أو الرسائل القصيرة فهذا رقم جوالي الخاص 00966555919444 http://www.aloosi.com/ :الموقع
 
Loading …
show series
 
هذا الفيلم قهر كثير من التحديات ومن أكبرها تحدي من شركة ديزني نفسها اللي توقعت منه أن يفشل. ومع ذلك أصبح أنجح فيلم في التاريخ مبيعاً على الأشرطة و... ليش نخرب عليكم الحلقة. اسمعوا لتعرفوا من وين اجت فكرة الفيلم وشو صار بعدها من ضجة!
 
قبل ما يكون حكم الملكة اليزابيث كان والدها ملك المملكة المتحدة وكان زلمة عنده مشكلة: تأتأة. كيف ملك وما بعرف يحكي قدام الناس؟ هذه قصة الملك جورج السادس والصديق الوحيد اللي كان في حياته الذي صحح له طريقة كلامه وجعله رمز الصمود أمام هتلر في الحرب العالمية الثانية.
 
بالثمانينات والتسعينات، ما كان في نجم أكبر من آرنولد وما كان في مخرج أقوى من جايمس كاميرون. إجتمع الثنائي بكذا فيلم أولهم كان تيرمنايتور بس بالجزء الثاني كسروا كل قواعد أفلام الآكشن وأفلام "البلوكبستر". هذا الفيلم من أروع أفلام الآكشن في التاريخ وحط آرنولد في طليعة النجومية ليومنا هذا.
 
من أهم الأفلام اللي طلعوا في آخر ١٠ سنين وأنجح عمل للمخرج المبدع دايفد فينشر وأقوى عمل للكاتب آرون سوركن. موضوع وسائل التواصل الإجتماعي شائك جداً وخصوصاً في أيامنا هذه، عشان أصبحوا كمان مصادر للأخبار ومش بس وسائل تواصل... وبداياتها كلها كانت فيسبوك ومؤسس هذه الشبكة مارك زكربرغ.
 
أقوى وأحلى فيلم طلع في التسعينات، ويمكن أقوى وأحلى فيلم بالعاااالم! من تمثيل وإخراج وموسيقى وتصوير... برايف هارت ختم على كل إشي بعالم الأفلام ورسخ سمعته في تاريخ هوليوود والسينما العالمية، كمان مل جبسون أثبت حاله انه مش بس ممثل بارع، وكمان مخرج مبدع وفنان عظيم.
 
حلقة هذا الأسبوع غير عن باقي حلقاتنا. مش بس استضفنا أول شخص معانا بالبودكاست، اللي هي ليال مقدمة بودكاست "تلفاز" الجميل، بس كمان قررنا نحكي هاي المرة عن مسلسل وليس فيلم. والمسلسل هو العمل العربي من انتاج نتفليكس - مدرسة الروابي للبنات. هذا المسلسل عمل ضجة كبيرة في أرجاء وسائل التواصل الإجتماعي في الوطن العربي بس الأهم من هيك انه بيطرح أفكار كثيرة و…
 
موضوع العائلة موضوع معقد عند كثير من الناس، فما بالك عند مخرج مثل وس آندرسون، اللي نظرته للعالم من حولنا فريدة من نوعها. يمر رويال تننباوم الأب في رحلة عاطفية غريبة، بحاول يسترجع حب أولاده له ويبني حاله من جديد. والنتيجة؟ فيلم جميل عن أهمية العلاقات العائلية في المجتمع، وهَوَس المخرج بالألوان والترتيب والكوميديا الساخرة.…
 
الفيلم اللي غير مسيرة ممثل من أفلام رومانسية وكوميدية منسية لممثل درجة أولى ترشح لكثير جوائز عالمية. وكل مسيرته بلشت بهذا الفيلم الرائع والأداء الممتاز والقصة المحبوكة بشكل جذاب وطاقم تمثيل مساند غني جداً.
 
بال٢٠٠٨ مارفل قامرت على بطل من أبطالها الخارقين بأن يكون حجر الأساس لبناء عالم سينمائي يغيِّر مسار أفلام هوليوود المعاصرة. ومين فاز بالأخير؟ مارفل طبعاً. بس مش لحالهم: روبرت داوني جونيور كان الممثل اللي ولا منتج بده يتعامل معاه، للنجم الأكبر في هذا الكون السينمائي.
 
وسام وعلي هاي المرة جرَّبوا اشي جديد: اختاروا فيلم وسام حاضروا عشرات المرات، بس علي مش شايفه ولا بعرف أي اشي عنه. والنتيجة؟ حديث شيق عن أحد الأفلام اللي عن جد بتنحضر من الأول... مش لإشي، بس لخفتها وخفت دمها ومع انه فيلم كوميدي ولكنه مش "غبي".
 
***رجاءاً رجاءاً رجاءاً... اللي مش حاضر الفيلم ما يسمع الحلقة!*** يمكن بتاريخ السينما المعاصرة ما مرق على الشاشة الفضية فيلم نهايته مثل نهاية هذا الفيلم. الطريقة اللي انكتبت ونعرضت القصة فيها نوع من الشعوذة من قبل المخرج، وبتطلع من الفيلم مش عارفين مين الصادق ومين الكذاب. قد ما يتحضر الفيلم، كل مرة نكتشف إشي جديد كان المخرج مخبيه. وسام وعلي حاولوا …
 
تخيلوا معنا: انتو وأصحابكم ممثلين وممثلات من الطراز الرفيع وحابين تعملوا فيلم مع بعض. شو بتطلع النتيجة؟ فيلم اوشنز اليفن. نادرة هي الأفلام من هذا النوع اللي بتضاين كل هل سنين، بس هذا الفيلم نجح انه يكون بداية حقبة "الكول" بهوليوود. استمتاع بكل ما تحملها الكلمة من معنى وأداء جميل من الممثلين وبالذات من المخرج سوديبيرغ.…
 
النوستالجيا شغلة كثير قوية بس بنفس الوقت خطيرة. دايماً منسترجع ذكرايات الماضي ومنقول "يا ريتني أرجع أشوف هل شغلة". الموضوع هذا برجع لكل إشي بحياتنا: أشخاص تعرفنا عليهم وأماكن زرناها... وكمان أفلام شفناها. بكون الفيلم حضرناه قبل ٢٠ سنة وعجبنا وقتها، بس لم نرجع نحضره منقول "شو هل فيلم هاد؟" هذه الشغلة تطبق حرفياً على فيلم فورست غمب. كسَّر الدنيا بحفل…
 
رِجع جايمس بوند الى الشاشة الفضية بس بحلة جديدة... لم يعد الرجل الذي لا يقهر. لم يعد الجاسوس الخارق. فرجانا دانيال كريق والمخرج مارتن كامبل بدايات الجاسوس رقم ٠٠٧ وأعطونا تصوير جميل لرواية إيان فليمنغ عن بوند الناشئ. بنهاية حقبة كريغ بهذا الدور، وسام وعلي بيسترجعوا ذكراياتهم البوندية ودخلوا بحديث عن أفلامهم المفضلة ل٠٠٧.…
 
كيف الحكومات بتغير تفكير عامة الشعب وبتخليهم يركزوا على الموضوع الثانوي وينسوا الموضوع الأساسي؟ بسيطة: بخترعوا حرب وهمية والناس بتنسى. وهذا الشي اللي صار بهذا الفيلم الجميل ببطولة روبرت دي نيرو ودستن هوفمان. هو فعلاً من قبس الخيال، بس ما نستبعد انه -بطريقة او بأخرى- بصير نفس الشي بالواقع.
 
"كَانَتْ تُسَمَّى فِلِسْطِين. صَارَتْ تُسَمَّى فلسْطِين،" محمود درويش. حديث وسام وعلي بهاي الحلقة عن الفيلم الرائع للمخرج الفلسطيني إيليا سليمان، وكل ما نفكر شو الهدف من هل مشاهد البطيئة والعابرة، بيطلع معنى إلها ونلاحظ انه الفن يشابه الواقع الفلسطيني المضغوط.
 
في آخر حلقة من السلسلة الرمضانية، وسام وعلي بيحكوا عن الفيلم الشجاع للمخرج ريدلي سكوت -مملكة الجنة-. ليش شجاع؟ لأنه تطرق لمسألة القدس في خِضم الصراع على المدينة المقدسة. قصة الفيلم عن كيف دافع الملك بلدوين الرابع عن المدينة في وجه جيوش المسلمين بقيادة صلاح الدين الأيوبي، وبعدين تسليم المدينة لصلاح الدين من قبل حامي المدينة باليان. إشي غريب إنه عرب …
 
تنويه مهم: مش لازم تحضروا الفيلم عشان تسمعوا هذه الحلقة شخصية البطل لهذا الفيلم مش كثير معروفة في العالم العربي والإسلامي، فوسام وعلي حبوا يلقوا الضوء علي الرحالة في زمن الخلافة العباسية أحمد ابن فضلان. سافر ابن فضلان من بغداد الى بلاد الصقالبة (بلغاريا) وتلاقى مع مجموعة من الفايكينغز، وكان أول من كتب عن عاداتهم وتقاليدهم. قصة الفيلم مستوحى من كتاب…
 
فيلمنا التاني في السلسلة الرمضانية هو العمل الجبار اللي أخرجه سبايك لي عن حياة الأسطورة مالكولم إكس، أو الحاج مالك شباز. في حياته وفي مماته، مالكولم إكس قسم الناس نصفين: نصف كان يلقبه بالإرهابي والعنصري، النصف الثاني كان لهم المثل الأعلى، خصوصاً في مواقفه ضد الاضطهاد العنصري اللي كان (ولا يزال) موجود على حساب الأمريكان السود. بس الأهم من هيك هو كان…
 
من أكبر الأعمال السينمائية العربية في التاريخ، وبدون شك (على القليلة برأينا الشخصي المتواضع جداً) أجمل فيلم عربي. الفنان المبدع المرحوم مصطفى العقاد عِمِل فيلم -عفواً- فيلمين وأعطانا أبسط رواية عن قصة الرسول محمد (ص) من البعثة الى وفاته عليه السلام. في هاي الحلقة، منحكي القصة كيف كان الفيلمين على وشك ما ينعملوا وعن أحداث خلف الكواليس وكيف استقبل عا…
 
يا جماعة في شغلة كتير مهمة لازم تعرفوها: ما تسمعوا كلام نُقْاد الأفلام وإذا شفتوا حالكم محتارين، دايماً احضروا الفيلم اللي عبالكم. عشان لو كلنا سمعنا كلام النُقْاد كان ما حضرنا فيلم سناتش. العمل اللي حط غاي ريتشي على خارطة أحسن المخرجين في عصرنا الحديث. والإشي اللي أبدعه ريتشي انه عمل فيلم ماخد نفسه بمحمل الجدية بس هو فعلاً فكاهي!…
 
عمالقة الانتاج في هوليوود راهنوا على الفيلم أنه رح يكون خُرافي وأنه رَح يِكَسر الدنيا بِحفل جوائز الأُوسكار... هو فعلاً صار فيلم خرافي بيحكوا عنه الناس ليومنا هذا، ولسه يُضرب فيه المثل عن كيف غيَّر مفهوم أفلام الرعب في أواخر القرن العشرين، وكمان رسم خارطة الطريق للمخرجين كيف يتقنوا نهاية فيلم تفاجئ العالم... بس ومع كل هاد إلا إنه الأكاديمية طلعته ب…
 
يمكن هذا الفيلم مش من أنجح أفلام ستوديو بيكسار، بس أكيد هو من أجملهم من الناحية الرواية وطريقة التنفيذ. الإشي اللي بخليي إستثنائي هو إنهم عملوا فيلم الصغار بيستمتعوا فيه، بس كمان بخلي الكبار يفكروا بقضايا كبيرة مثل التغيير المناخي.
 
اليوم رح نحكي عن... أغبى فيلم بالعالم؟؟؟ وسام مُصِر انه الفيلم اللي فاز ب٥ جوائز أوسكار ما بيستاهلهم، وعلي بدافع عن هذا العمل الجبار من المخرج المخضرم ريدلي سكوت. القصة بسيطة ومشوقة، والإثارة فظيعة... يعني شو بدك أكثر من هيك بفيلم عن زمن الرومان يا وسام؟!؟!
 
نحن ما بدنا بيئتنا تأثر علينا... بدنا إحنا نكون مهيمنين على بيئتنا. الفيلم اللي أخيراً فاز في مارتن سكورسيسي جائزة الأوسكار لأحسن مخرج هو نفسه أول فيلم بيشتغل المخرج مع الأسطورة جاك نيكلسون. وطبعاً بدون التقليل من مات دايمون وليو دي كابريو وغيرهم وغيرهم. بهذا الفيلم رجعنا سكورسيسي لأمجاد أفلامه المافيا، بس هل المرة بطابع ايرلندي.…
 
سمعتوا النكتة عن ٤ شباب من جامايكا اللي راحوا على كندا عشان يشاركوا ببطولة ألعاب الشتوية؟؟؟ أكيد سمعتوها، بس هي فعلاً مش نكتة، هذا الفيلم (شركة ديزني بالأخص) أخذت هذه القصة الطريفة بس بنفس الوقت ملهمة وعملت منها فيلم... فيلم من أكثر الأفلام متعة للعائلة وللناس اللي بحبوا الضحك وكمان اللي ب(ت)دور على إلهام بحياته(ا). كوووووووووووول رانينجس!!!!!!…
 
"خارج عن السيطرة؟ أنا بفرجيك خارج عن السيطرة!!" عن جد عن جد هذا (بالنسبة لوسام) أحلى فيلم بالعااااالم!! الفيلم إلي أخيرا فاز فيه آل باتشينو على جائزة أفضل ممثل وكان أداء لا يعلى عليه. يمكن على السطح القصة تعتبر عادية بس جمال الفيلم بيكمن بتفاصيله ولا شك أداء آل باتشينو في إلي حِمِل الفيلم وجعله من أجمل أفلام التسعينات في هذه الحلقة، وسام وعلي دخلوا…
 
شو بصير لم ترانتينو يكتب ويخرج فيلم فيه جيمي فوكس وكريستوف فولتز وليو دي كابريو وسامويل جاكسون؟ احنا نقلكم شو بصير. اللي بصير انه هذا الفيلم بيستحق الحكي عنه بشكل عميق. مش بس عن العمل الفني، بس كمان الافكار السياسية والاجتماعية اللي فيه، خصوصاً الحكي عن العنصرية ضد السود في اميركا. الفيلم اللي ربح ترانتينو جائزة الاوسكار لأفضل نص للمرة الثانية في م…
 
الفيلم اللي فاجئ العالم لم فاز بجائزة الاوسكار لأفضل فيلم. الدور اللي طلع سلفستر ستالون من عالم الهواة الى سماء النجومية. روكي مش بس قصة ملاكم ونزال العمر. روكي هو فعلاً قصة حب وكفاح. تابعونا على انستغرام: @minelawal
 
كاميرات في كل مكان. كوبارسية شغالين ٢٤ ساعة حوليك. مدينة كلها بنيت عشانك. حتى زوجتك ممثلة! وانت النجم الاول والوحيد. السؤال: بتكون مبسوط أو تعيس بهيك عشيه؟ ترومان بربانك سأل نفسه هذا السؤال، والجواب طبعاً إحنا كلنا عارفينه. أول عمل درامي لجيم كاري حطه على الخريطة كأفضل الممثلين في هذا الجيل. وسام وعلي فاتوا بتفاصيل هذا العمل الرائع، ابعاده النفسية …
 
هاي الحلقة رح تتذكروها من هلأ ل ٥ نوفمبر، عشان منحكي عن فيلم كثير كان له ثقل بال٢٠٠٦ وزادت صلاحيته بآخر ٤ سنين لأنه بحكي عن شغلات عشناها بهل الفترة. رح نحكي عن كيف تخلى الكاتب عن هذا الفيلم وعن مشاهد الاكشن المخييييفة وعن الاخوان قصدي الاخوات وتشاوسكي، والاهم من كل هاد انه وسام و علي ما بتحملوا مسؤولية الكلام اللي حكوه... فدبروا حالكم!…
 
تفضلوا هاي الحلقة منا وخلي الباقي معكم "أيها الحيوان القذر" :) منحكي عن أحد الأكثر أفلام مربحة بتاريخ السينما وفيلم كان إله أكبر مدخول سينامائي لتصنيف الأكشن-كوميديا لسوق المحلي الأمريكي لمدة 25 سنة ما بيقدر أي أحد بيحكي عن طفولته من غير ما يحكي عن هذا الفيلم. منحكي عن ماكولي كلكن، والمخرج كريستوفر كولوبس والكاتب جون هيوز وتأثيره على جيل أمريكي كام…
 
بهذه الحلقة رح نقدملكم عرض مستحيل ترفضوا: حلقة كاملة (وأطول شوي من المعتاد) عن الفيلم الأكثر تأثيراً على مسار السينما الامريكية. الحكي رح يأخذنا عن كيف الفيلم كاد ما ينعمل، وعن آل باتشينو اللي ولا حدا بدو اياه، وعن كوبولا والمافيا الايطالية اللي هددته.
 
هي عملية سطو على بنك، بس ما سرقوا فلوس... لأ و شو كمان؟ الشرطي ما مسك الحرامي، وبالأخير ضربوا صحبه! ما حدا عارف شو عم بصير، فقررنا نحاول نبسط الموضوع لكم. فيلم "إنسايد مان" من أجمل أفلام ٢٠٠٦ وإبداع دنزل واشنطن والمخرج سبايك لي ما له مثيل.
 
وعد منا: إذا سمعتوا الحلقة كاملة مش رح يصير فيكم مثل ما صار ب بيل موراي ورح تصبحوا تاني يوم بيوم جديد. هذا الفيلم بسيط جداً، بس شو اللي بخلينا دايماً نرجعله من الأول؟
 
نقاش طويل عريض بين علي ووسام عن... هل داي هارد فيلم كريسماس أو لأ؟؟ وهل ألن ريكمان أفضل شرير في تاريخ هوليوود؟ داي هارد اللي الكل توقع له الفشل أصبح الفيلم الأكثر تأثيراً على أفلام الأكشن في السنين اللي بعده. اسمعوا الحلقة عشان تعرفوا ليش.
 
الإنسان يا بيشغل حاله بالحياة أو بيشغل حاله بالموت، وعشان هيك علي و وسام اختاروا فيلم مورغان فريمان وتيم روبنز عشان ترفهوا عن حياتكم شوي. من أقوى أفلام التسعينات ولا زال الرقم واحد على قائمة imdb لأفضل الأفلام في التاريخ.
 
علي و وسام بيفتتحوا البودكاست الجديد، مش عشانهم الأبطال اللي الناس طالبينهم بس الأبطال اللي وجودهم ضروري! الشباب رح يغوصوا في تفاصيل رائعة كريس نولان وآخر عرض لهيث ليدجر وأهمية هذا الفيلم على أفلام السوبر هيروز. Poster Credit: Brandon Schaefer | www.seekandspeak.com
 
إمام لمسجد الإخلاص بمدينة الخبر بحي الكورنيش الحمد لله مجاز بروايةحفص عن عاصم أحب شي في حياتي قرآﺀة القرآن الكريم والتغني به وأتمنى من الله أن يجعله حجة لي لا علي ولمن يرغب بالتواصل معي عبر الواتس اب أو الرسائل القصيرةفهذا رقم جوالي الخاص00966555919444 http://www.aloosi.com/ : الموقع الرسمي
 
Loading …

دليل مرجعي سريع

حقوق الطبع والنشر 2021 | خريطة الموقع | سياسة الخصوصية | شروط الخدمة
Google login Twitter login Classic login