))
!حديث أسبوعي مع علي و وسام عن أحلى فيلم بالعالم
يمكن وسام وعلي ما يتفقوا اذا هاد من أحلى أفلام آخر عشرين سنة، بس أكيد متفقين انه تحفة فنية ويستاهل منحضر من الأول
منعرف انه طولنا الغيبة عنكم فحبينا نعمل هل مقطع القصير نشرح بشو احنا مشغولين ونشارككم الحالية والمستقبلية.
في أفلام تبلعب خدع علينا: بكون الفيلم حاضرينه زمان وكيفيين عليه، بس لم نيجي نحضره مرة ثانية بعد سنين وسنين، بطلف فيلم بالمرة وما بنحضر! هذه هي خدعة النوستالجيا، وهاي هي الخدعة اللي صارت فينا بهل فيلم. طلعوا ميل جيبسون وجوليا روبرتس ضحكانين علينا!!!
في مراجعتنا الشهرية للأفلام الجديدة، دخلنا بهاي الحلقة بعالم غوثام سيتي المظلم جداً والفيلم الجديد لباتمان اللي فعلاً فاجئنا بجماله من كل النواحي: تمثيل وإخراج وقصة. تنويه مهم: ضروري تحضروا الفيلم قبل سماع الحلقة، إلا إذا مش فارقة معكم (بهل حالة وضعكم صعب والله يعينكم على حالكم).
من أهم أفلام القرن الجاري ويمكن يكون أهمهم. الانهيار الاقتصادي بسنة ٢٠٠٨ غير كثير شغلات لكثير ناس... الا الجماعة اللي سببوه. فيلم بخليك تشد شعرك من القهر والقرف، بس بنفس الوقت بيعطيكم وقفة تقدير للأداء العظيم من المخرج والكاتب والممثلين.
توم كروز، قبل ما يكون رجل الآكشن والطاخ والطيخ، كان ممثل جدي كثير بالتسعينات وكان يلعب أدوار فعلاً بتفرجي قدراته التثيلية، مثل هذا الفيلم. واحد من أحلى أفلام الكوميديا الرومنسية ومن الأفلام اللي صعب الواحد يزهق منهم.
معروف عن ول سميث انه ممثل غير شجاع - يعني بس بلعب الأدوار اللي هو مرتاح فيها ومش كثير بطلع من دائرة الراحة تبعته. فلم ياخذ هذا الدور الناس كلها رح تنتبه، وفعلاً كان أداء جميل جداً من سميث ويمكن أجمل دور له على مر مسيرته.
في كثير ناس عندهم اعتقاد انه احلى فيلم لكوينتن ترانتينو هو بالب فيكشن. بس برأينا الشخصي المتواضع جداً، هدول الناس ما بفهموا... بس بكل جدية، الحرب العالمية الثانية من منظور هذا المخرج شغله تُحترم وتُقدر وإلها وزنها في عالم السينما. أحلى فيلم في مسيرة ترانتينو، ومن أحلى الأفلام على مر التاريخ.
في أفلام بتمرق على حياتنا ما منعرف ليش منحبها وليش منحب نحضرهم كثير. في أسباب كثيرة، ومنفوت بهل أسباب بل حلقة. هذا الفيلم بدخل بهذا اللغز. سطحياً، فيلم عادي وقصة عادية وشخصيات عادية كمان. بس... خلينا نقلكم ليش هذا الفيلم مش عادي...
حلقة ولا أروع مع المنتجه رشا نجدي عن الفيلم اللبناني اللي كسر الدنيا بهداك الوقت واللي لهلأ الناس بيحكوا في انه من أحسن الأعمال السينمائية العربية.
بطغتيتنا لشهر ١ حكينا عن كل الأفلام والمسلسلات اللي حضرناها هذا الشهر، وكمان شو الأعمال اللي لازم تنحضر، وشغلات تانية اذا حضرتوها مفروض تلغوا اشتراك النتفليكس وممنوع عليكم تدخلوا سينما اول تحضروا تلفزيون. من اللي ناقشناهم: Ozark Ted Lasso Billions Succession Attack on Titan Dexter The Undoing Rick and Morty أصحاب ولا أعز Don't Look Up The Unforgiva…
بروس ويليس كان من أكبر نجوم التسعينات. كل إشي بعمله يقلب ذهب. وهذا الفيلم مش مستثنى من هاي القاعدة. مع انه المخرج لوك بيسون مش من مجتمع هوليوود بس المستوى اللي بهل فيلم كثير عالي من ناحية الآكشن والجرافيكس وكل اشي تاني.
خلينا نبدأ السنة صح! أول فيلم بدنا نحكي عنه ب٢٠٢٢ هو أكبر فيلم طلع ب٢٠٢١: ختام ثلاثية Spiderman تبعت توم هولاند. كسر هذا العمل كل أرقام السينما من بعد ما بدأت الكورونا، وفعلاً كان شغل جبار من مارفل وجميع الناس اللي اشتغلوا عليه.
كل عام والجميع بألف خير! غبنا عنكم خلال إجازات نهاية السنة ولكم هلأ راجعين بمحتوى جديد وحلقات أسبوعية. حبينا نبدأ السنة بحديث سريع وغير ممنتج عن شو كان أحبى شي بعالم السينما والتلفزيون بالسنة الماضية.
M
Min El Awal Podcast | من الأول
1
White Savior Complex | عقدة المنقذ الأبيض
25:18
25:18
التشغيل لاحقا
التشغيل لاحقا
قوائم
إعجاب
احب
25:18
هاي الحلقة الهام من منشور شفنا على صفحة ضاد عل الإنستجرام وتويتر عن عقدة المنقذ الأبيض. أكثر مكان هاي العقدة بتكون بارزة هي بأفلام هوليوود ومنحكي عن الأفلام إلي ظاهرة فيها هاي العقدة. صفحة ضاد: @arabicwords_0 مصادر الحلقة: https://en.wikipedia.org/wiki/White_savior_narrative_in_film https://www.youtube.com/watch?v=w1vuhrFfEkE&t=358s&ab_channel=TheT…
رواية فرانك هربيرت الرائعة من أصعب الروايات اللي ممكن تنعمل فيلم سنيمائي. كثير جربوا في الماضي وفشلوا فشل ذريع. بس هذه الشغلة ما خلت المخرج دني فيلنوف الكندي يتردد ويقبل هذه المهمة الشبه مستحيلة.النتيخة؟ فيلم من أجمل الأفلام الخيال العلمي في التاريخ... واللي جاي لسه أروع!
الأفلام الموسيقية في هوليوود تغيرت كثير من زمن فرانك سيناترا وجيم كيلي الى يومنا هذا. كانت الأغنية توقف القصة، ولكن هلأ الأغنية صارت جزء من القصة. وين صار هذا التغيير؟ عند فيلم شيكاغو.
كان في ملك واحد فقط بالتسعينات... وكان اسمه جيم كاري. بال ١٩٩٤ طلع الممثل ٣ أفلام، وكلهم راحه للرقم واحد بشباك التذاكر. ومن وقتها رسخ حاله كاري كأنجح ممثل كوميدي بتاريخ هوليوود. ممكن نوع الفكاهة لا يليق لكثير من الناس، بس فعلاً بدأ ثورة كوميدية بالأفلام انتهت (للأسف) بسنة ٢٠١٠.
لم كانت أفلام المافيا الإيطالية إلها عزها، كان (ولا زال) هذا الفيلم من أجملهم وأكثرهم إثارة. آل باتشينو وجوني ديب مع بعض طلعوا أداء رائع وعمل جميل في أحد أفلامنا المفضلة من العقد التسعيني.
بمرق علينا أفلام مرات سيئين جدا جداً، بس مع ذلك منحبها ومنحضرها دايماً من الأول. على فكرة هاي ظاهرة غريبة لازم تدرس في الجامعات والمعاهد... على كل هاي، انبسطوا بهاي الحلقة عن شعر كيانو ريفز!
هذا هو ثالث فيلم في تاريخ هوليوود اللي حاز على الجراند سلام في حفل جوائز الأوسكار. من أجمل وأروع أفلام الرعب والإثارة وعمل هانيبال ليكتر أكثر شخصية مخيفة وأنثوني هوبكينز من أفضل الممثلين في عصرنا.
هذا الفيلم قهر كثير من التحديات ومن أكبرها تحدي من شركة ديزني نفسها اللي توقعت منه أن يفشل. ومع ذلك أصبح أنجح فيلم في التاريخ مبيعاً على الأشرطة و... ليش نخرب عليكم الحلقة. اسمعوا لتعرفوا من وين اجت فكرة الفيلم وشو صار بعدها من ضجة!
قبل ما يكون حكم الملكة اليزابيث كان والدها ملك المملكة المتحدة وكان زلمة عنده مشكلة: تأتأة. كيف ملك وما بعرف يحكي قدام الناس؟ هذه قصة الملك جورج السادس والصديق الوحيد اللي كان في حياته الذي صحح له طريقة كلامه وجعله رمز الصمود أمام هتلر في الحرب العالمية الثانية.
بالثمانينات والتسعينات، ما كان في نجم أكبر من آرنولد وما كان في مخرج أقوى من جايمس كاميرون. إجتمع الثنائي بكذا فيلم أولهم كان تيرمنايتور بس بالجزء الثاني كسروا كل قواعد أفلام الآكشن وأفلام "البلوكبستر". هذا الفيلم من أروع أفلام الآكشن في التاريخ وحط آرنولد في طليعة النجومية ليومنا هذا.
أول حلقة منعملها عن فيلم رومانسي كوميدي واذا جردتوه شوي من هذا اللقب رح تلاقوا فيلم بسيط جداً بيحكي عن العائلة وعالم الخيال.
من أهم الأفلام اللي طلعوا في آخر ١٠ سنين وأنجح عمل للمخرج المبدع دايفد فينشر وأقوى عمل للكاتب آرون سوركن. موضوع وسائل التواصل الإجتماعي شائك جداً وخصوصاً في أيامنا هذه، عشان أصبحوا كمان مصادر للأخبار ومش بس وسائل تواصل... وبداياتها كلها كانت فيسبوك ومؤسس هذه الشبكة مارك زكربرغ.
أقوى وأحلى فيلم طلع في التسعينات، ويمكن أقوى وأحلى فيلم بالعاااالم! من تمثيل وإخراج وموسيقى وتصوير... برايف هارت ختم على كل إشي بعالم الأفلام ورسخ سمعته في تاريخ هوليوود والسينما العالمية، كمان مل جبسون أثبت حاله انه مش بس ممثل بارع، وكمان مخرج مبدع وفنان عظيم.
M
Min El Awal Podcast | من الأول
1
Al Rawabi School for Girls | مدرسة الروابي للبنات
42:08
42:08
التشغيل لاحقا
التشغيل لاحقا
قوائم
إعجاب
احب
42:08
حلقة هذا الأسبوع غير عن باقي حلقاتنا. مش بس استضفنا أول شخص معانا بالبودكاست، اللي هي ليال مقدمة بودكاست "تلفاز" الجميل، بس كمان قررنا نحكي هاي المرة عن مسلسل وليس فيلم. والمسلسل هو العمل العربي من انتاج نتفليكس - مدرسة الروابي للبنات. هذا المسلسل عمل ضجة كبيرة في أرجاء وسائل التواصل الإجتماعي في الوطن العربي بس الأهم من هيك انه بيطرح أفكار كثيرة و…
موضوع العائلة موضوع معقد عند كثير من الناس، فما بالك عند مخرج مثل وس آندرسون، اللي نظرته للعالم من حولنا فريدة من نوعها. يمر رويال تننباوم الأب في رحلة عاطفية غريبة، بحاول يسترجع حب أولاده له ويبني حاله من جديد. والنتيجة؟ فيلم جميل عن أهمية العلاقات العائلية في المجتمع، وهَوَس المخرج بالألوان والترتيب والكوميديا الساخرة.…
الفيلم اللي غير مسيرة ممثل من أفلام رومانسية وكوميدية منسية لممثل درجة أولى ترشح لكثير جوائز عالمية. وكل مسيرته بلشت بهذا الفيلم الرائع والأداء الممتاز والقصة المحبوكة بشكل جذاب وطاقم تمثيل مساند غني جداً.
بال٢٠٠٨ مارفل قامرت على بطل من أبطالها الخارقين بأن يكون حجر الأساس لبناء عالم سينمائي يغيِّر مسار أفلام هوليوود المعاصرة. ومين فاز بالأخير؟ مارفل طبعاً. بس مش لحالهم: روبرت داوني جونيور كان الممثل اللي ولا منتج بده يتعامل معاه، للنجم الأكبر في هذا الكون السينمائي.
وسام وعلي هاي المرة جرَّبوا اشي جديد: اختاروا فيلم وسام حاضروا عشرات المرات، بس علي مش شايفه ولا بعرف أي اشي عنه. والنتيجة؟ حديث شيق عن أحد الأفلام اللي عن جد بتنحضر من الأول... مش لإشي، بس لخفتها وخفت دمها ومع انه فيلم كوميدي ولكنه مش "غبي".
***رجاءاً رجاءاً رجاءاً... اللي مش حاضر الفيلم ما يسمع الحلقة!*** يمكن بتاريخ السينما المعاصرة ما مرق على الشاشة الفضية فيلم نهايته مثل نهاية هذا الفيلم. الطريقة اللي انكتبت ونعرضت القصة فيها نوع من الشعوذة من قبل المخرج، وبتطلع من الفيلم مش عارفين مين الصادق ومين الكذاب. قد ما يتحضر الفيلم، كل مرة نكتشف إشي جديد كان المخرج مخبيه. وسام وعلي حاولوا …
تخيلوا معنا: انتو وأصحابكم ممثلين وممثلات من الطراز الرفيع وحابين تعملوا فيلم مع بعض. شو بتطلع النتيجة؟ فيلم اوشنز اليفن. نادرة هي الأفلام من هذا النوع اللي بتضاين كل هل سنين، بس هذا الفيلم نجح انه يكون بداية حقبة "الكول" بهوليوود. استمتاع بكل ما تحملها الكلمة من معنى وأداء جميل من الممثلين وبالذات من المخرج سوديبيرغ.…
النوستالجيا شغلة كثير قوية بس بنفس الوقت خطيرة. دايماً منسترجع ذكرايات الماضي ومنقول "يا ريتني أرجع أشوف هل شغلة". الموضوع هذا برجع لكل إشي بحياتنا: أشخاص تعرفنا عليهم وأماكن زرناها... وكمان أفلام شفناها. بكون الفيلم حضرناه قبل ٢٠ سنة وعجبنا وقتها، بس لم نرجع نحضره منقول "شو هل فيلم هاد؟" هذه الشغلة تطبق حرفياً على فيلم فورست غمب. كسَّر الدنيا بحفل…
رِجع جايمس بوند الى الشاشة الفضية بس بحلة جديدة... لم يعد الرجل الذي لا يقهر. لم يعد الجاسوس الخارق. فرجانا دانيال كريق والمخرج مارتن كامبل بدايات الجاسوس رقم ٠٠٧ وأعطونا تصوير جميل لرواية إيان فليمنغ عن بوند الناشئ. بنهاية حقبة كريغ بهذا الدور، وسام وعلي بيسترجعوا ذكراياتهم البوندية ودخلوا بحديث عن أفلامهم المفضلة ل٠٠٧.…
كيف الحكومات بتغير تفكير عامة الشعب وبتخليهم يركزوا على الموضوع الثانوي وينسوا الموضوع الأساسي؟ بسيطة: بخترعوا حرب وهمية والناس بتنسى. وهذا الشي اللي صار بهذا الفيلم الجميل ببطولة روبرت دي نيرو ودستن هوفمان. هو فعلاً من قبس الخيال، بس ما نستبعد انه -بطريقة او بأخرى- بصير نفس الشي بالواقع.
"كَانَتْ تُسَمَّى فِلِسْطِين. صَارَتْ تُسَمَّى فلسْطِين،" محمود درويش. حديث وسام وعلي بهاي الحلقة عن الفيلم الرائع للمخرج الفلسطيني إيليا سليمان، وكل ما نفكر شو الهدف من هل مشاهد البطيئة والعابرة، بيطلع معنى إلها ونلاحظ انه الفن يشابه الواقع الفلسطيني المضغوط.
في آخر حلقة من السلسلة الرمضانية، وسام وعلي بيحكوا عن الفيلم الشجاع للمخرج ريدلي سكوت -مملكة الجنة-. ليش شجاع؟ لأنه تطرق لمسألة القدس في خِضم الصراع على المدينة المقدسة. قصة الفيلم عن كيف دافع الملك بلدوين الرابع عن المدينة في وجه جيوش المسلمين بقيادة صلاح الدين الأيوبي، وبعدين تسليم المدينة لصلاح الدين من قبل حامي المدينة باليان. إشي غريب إنه عرب …
تنويه مهم: مش لازم تحضروا الفيلم عشان تسمعوا هذه الحلقة شخصية البطل لهذا الفيلم مش كثير معروفة في العالم العربي والإسلامي، فوسام وعلي حبوا يلقوا الضوء علي الرحالة في زمن الخلافة العباسية أحمد ابن فضلان. سافر ابن فضلان من بغداد الى بلاد الصقالبة (بلغاريا) وتلاقى مع مجموعة من الفايكينغز، وكان أول من كتب عن عاداتهم وتقاليدهم. قصة الفيلم مستوحى من كتاب…
فيلمنا التاني في السلسلة الرمضانية هو العمل الجبار اللي أخرجه سبايك لي عن حياة الأسطورة مالكولم إكس، أو الحاج مالك شباز. في حياته وفي مماته، مالكولم إكس قسم الناس نصفين: نصف كان يلقبه بالإرهابي والعنصري، النصف الثاني كان لهم المثل الأعلى، خصوصاً في مواقفه ضد الاضطهاد العنصري اللي كان (ولا يزال) موجود على حساب الأمريكان السود. بس الأهم من هيك هو كان…
من أكبر الأعمال السينمائية العربية في التاريخ، وبدون شك (على القليلة برأينا الشخصي المتواضع جداً) أجمل فيلم عربي. الفنان المبدع المرحوم مصطفى العقاد عِمِل فيلم -عفواً- فيلمين وأعطانا أبسط رواية عن قصة الرسول محمد (ص) من البعثة الى وفاته عليه السلام. في هاي الحلقة، منحكي القصة كيف كان الفيلمين على وشك ما ينعملوا وعن أحداث خلف الكواليس وكيف استقبل عا…
يا جماعة في شغلة كتير مهمة لازم تعرفوها: ما تسمعوا كلام نُقْاد الأفلام وإذا شفتوا حالكم محتارين، دايماً احضروا الفيلم اللي عبالكم. عشان لو كلنا سمعنا كلام النُقْاد كان ما حضرنا فيلم سناتش. العمل اللي حط غاي ريتشي على خارطة أحسن المخرجين في عصرنا الحديث. والإشي اللي أبدعه ريتشي انه عمل فيلم ماخد نفسه بمحمل الجدية بس هو فعلاً فكاهي!…
عمالقة الانتاج في هوليوود راهنوا على الفيلم أنه رح يكون خُرافي وأنه رَح يِكَسر الدنيا بِحفل جوائز الأُوسكار... هو فعلاً صار فيلم خرافي بيحكوا عنه الناس ليومنا هذا، ولسه يُضرب فيه المثل عن كيف غيَّر مفهوم أفلام الرعب في أواخر القرن العشرين، وكمان رسم خارطة الطريق للمخرجين كيف يتقنوا نهاية فيلم تفاجئ العالم... بس ومع كل هاد إلا إنه الأكاديمية طلعته ب…
يمكن هذا الفيلم مش من أنجح أفلام ستوديو بيكسار، بس أكيد هو من أجملهم من الناحية الرواية وطريقة التنفيذ. الإشي اللي بخليي إستثنائي هو إنهم عملوا فيلم الصغار بيستمتعوا فيه، بس كمان بخلي الكبار يفكروا بقضايا كبيرة مثل التغيير المناخي.
اليوم رح نحكي عن... أغبى فيلم بالعالم؟؟؟ وسام مُصِر انه الفيلم اللي فاز ب٥ جوائز أوسكار ما بيستاهلهم، وعلي بدافع عن هذا العمل الجبار من المخرج المخضرم ريدلي سكوت. القصة بسيطة ومشوقة، والإثارة فظيعة... يعني شو بدك أكثر من هيك بفيلم عن زمن الرومان يا وسام؟!؟!
نحن ما بدنا بيئتنا تأثر علينا... بدنا إحنا نكون مهيمنين على بيئتنا. الفيلم اللي أخيراً فاز في مارتن سكورسيسي جائزة الأوسكار لأحسن مخرج هو نفسه أول فيلم بيشتغل المخرج مع الأسطورة جاك نيكلسون. وطبعاً بدون التقليل من مات دايمون وليو دي كابريو وغيرهم وغيرهم. بهذا الفيلم رجعنا سكورسيسي لأمجاد أفلامه المافيا، بس هل المرة بطابع ايرلندي.…
سمعتوا النكتة عن ٤ شباب من جامايكا اللي راحوا على كندا عشان يشاركوا ببطولة ألعاب الشتوية؟؟؟ أكيد سمعتوها، بس هي فعلاً مش نكتة، هذا الفيلم (شركة ديزني بالأخص) أخذت هذه القصة الطريفة بس بنفس الوقت ملهمة وعملت منها فيلم... فيلم من أكثر الأفلام متعة للعائلة وللناس اللي بحبوا الضحك وكمان اللي ب(ت)دور على إلهام بحياته(ا). كوووووووووووول رانينجس!!!!!!…
"خارج عن السيطرة؟ أنا بفرجيك خارج عن السيطرة!!" عن جد عن جد هذا (بالنسبة لوسام) أحلى فيلم بالعااااالم!! الفيلم إلي أخيرا فاز فيه آل باتشينو على جائزة أفضل ممثل وكان أداء لا يعلى عليه. يمكن على السطح القصة تعتبر عادية بس جمال الفيلم بيكمن بتفاصيله ولا شك أداء آل باتشينو في إلي حِمِل الفيلم وجعله من أجمل أفلام التسعينات في هذه الحلقة، وسام وعلي دخلوا…
شو بصير لم ترانتينو يكتب ويخرج فيلم فيه جيمي فوكس وكريستوف فولتز وليو دي كابريو وسامويل جاكسون؟ احنا نقلكم شو بصير. اللي بصير انه هذا الفيلم بيستحق الحكي عنه بشكل عميق. مش بس عن العمل الفني، بس كمان الافكار السياسية والاجتماعية اللي فيه، خصوصاً الحكي عن العنصرية ضد السود في اميركا. الفيلم اللي ربح ترانتينو جائزة الاوسكار لأفضل نص للمرة الثانية في م…
